د ترکیې ولسمشر رجب طیب اردوغان ویلي، چې ترکیه او اسراییل به ډېر ژر د انرژۍ د برمه کولو او د ترکیې له لارې اروپا ته د انرژۍ د لېږد د شبکې په برخه کې ګډ ګامونه واخلي.
د ترکیې ولسمشر رجب طیب اردوغان او د اسراییلو لومړي وزیر بنیامین نتنیاهو د سه شنبې په ورځ د ملګرو ملتونو په مرکزي دفتر کې په داسې حال کې سره وکتل، چې د کتونکو په وینا دواړه هېوادونه د خپلو اړیکو د بیارغولو هڅه کوي، چې له اوږدې مودې راهیسې د فلسطین پرسر د کړکېچونو له امله ترینګلې وې.
ښاغلي اردوغان په نيويارک كې خبريالانو ته د وينا پر مهال وويل، چې له نتنياهو سره یې په راتلونكې كې د ډېرو لیدنو پرسر هوکړه كړې او د انرژۍ په برخه كې به د دواړو خواوو ترمنځ همكاري له اوسه پراخه شي.
دواړو لوریو د خپلو کړو ژمنو په عملي کېدو ټینګار کړی دی.