پنجاب کې د سترګو پر ساري ناروغۍ له لس زرو ډېر کسان اخته شوي

په تېر کال کې برېتانیا شاوخوا ۲۰ زره اوکرایني پوځیانو ته پنځه اوونۍ روزنیز کورسونه برابر کړي و.

د برېتانیې د دفاع وزیر گرانټ شاپس د سنډې ټیلیګراف ورځپاڼې سره په مرکه کې وویل چې د برېتانیې د پوځ له قوماندانانو سره تر خبرو وروسته دا ممکنه ده چې د اوکراین په خاوره کې پوځي روزنه ورکړل شي.

ښاغلي شاپس زیاته کړه چې د کییف د ځواکونو لپاره د روزنې زمینه برابره ده، په تېره بیا د اوکراین په لویدیځ کې.

هغه دا هم وویل چې هغه هیله لري چې د برېتانیې دفاعي شرکتونه به په اوکراین کې د وسلو د فابریکو د جوړولو پلانونه مخته بوځي.

د اوکراین ولسمشر ولادیمیر زیلینسکي مخکې ویلي وو چې هغه پلان لري چې د خپل هېواد دفاعي صنعت د لوېدیځو وسلو له جوړونکو سره په همکارۍ په یوه "لوی پوځي ځواک" بدل کړي.

د ترکیې د کورنیو چارو وزارت وينا، بريد پر ځايي وخت شاوخوا نهه بجې شوى دى.

د اسوشېټېډ پرېس خبري اژانس د راپور له مخي، دویم بریدګر د پولیسو په ډزو کې وژل شوی دی.

دا برید د ترکېې پارلمان د اوړې رخصتیو وروسته، د پارلمان تر پرانیستل کېدو یو ساعت مخکې وشو.

دمګړۍ د پارلمان ودانۍ او د کورنیو چارو وزارت ته څېرمه کلک امنیتي تدابیر نیول شوي دي.

د ښاغلي فیکو په مشرۍ کیڼ اړخي سوسیال دیموکرات ګوند په دې بریالی شو چې ۲۴ سلنه رایې خپلې کړي او له لیبرال ګوند څخه چې ۱۷ سلنه رایې یې ترلاسه کړې، مخکې شو.

د شنبې په ورځ (د تلې۸ مه) د سلواکیا په ټاکنو کې ۹۸ سلنه رایې شمېرل شوې وې.

په ټاکنو کې له بریا سره سره د رابرټ فیکو په مشرۍ سوسیال دیموکرات ګوند اړ دی چې د حکومت جوړولو لپاره د ځینو نورو ګوندونو ملاتړ ترلاسه کړي.

د سلواکیا اوسنی حکومت چې د ناټو غړی دی، له اوکراین څخه يې پراخ پوځي ملاتړ کړی، خو رابرټ فیکو د مسکو ملاتړی او کییف ته د مرستو ورکړې مخالف دی.

ښاغلي فیکو د خپل ټاکنیز کمپاین پر مهال ژمنه کړې وه چې که ټاکنې وګټي نو پر اوکراین به پوځي مرستې بندې کړي.

د امنیتي مطالعاتو څېړنیز مرکز په دغه راپور کې چې مرکز یې د پاکستان په پلازمېنه اسلام آباد کې دی ویل شوي چې د تېر کال په پرتله په دغه هیواد کې «ترهګریز بریدونه» ۱۹سلنه ډیر شوي دي.

په دغه راپور کې ویل شوي چې دا بریدونه په ځانګړي ډول د بلوچستان او خیبر پښتونخوا په ولایتونو کې ډیر شوي چې د افغانستان سره «ګډه پوله» لري.

پاکستاني چارواکيدعوه کوي چې د پاکستاني طالبانو یا ټي ټي پيڅه د پاسه۴ زره غړي په افغانستان کې مېشت دي او پر پاکستان له پورې بریدونه پلانوي او بیا يې په پاکستان کې ترسره کوي، خو طالبانو تل داسې تورونه رد کړي دي.

د امریکا د بهرنیو چارو وزارت اعلان کړی چې چین د سانسور، استخباراتي معلوماتو راټولولو او د امریکا د بهرنیو خبري اژانسونو د پټو پېرودلو له لارې نړیوالې رسنۍ اداره کوي.

د امریکا د بهرنیو چارو وزارت په یوه راپور کې ویلي، چې له بې ساري سرچینو سره سره چې چین د معلوماتو د لاسوهنې لپاره ځانګړې کړې، د سیمه ایزو رسنیو او مدني ټولنې د شاتګ له امله له"لویې ماتې" سره مخ شوی.

د چین د بهرنیو چارو وزارت په یوه اعلامیه کې ویلي چې دغه راپور ریښتینولي له پامه غورځولې ده.

دغه وزارت ویلي: «د امریکا بهرنیو چارو وزارت د خپاره شوي راپور، معلوماتي سرچینې ناسمې دي. »

د چین د بهرنیو چارو وزارت زیاته کړې چې حقیقتونو په ځلونو ثابته کړې چې امریکا په حقیقت کې «د دروغو امپراتوري» ده.

بیجینګ هڅه کوي چې د چین په اړه د هغه منفي انځور وړاندې کولو د مخنیوي له پاره مبارزه وکړي، چې د نړیوالو رسنیو له لوري خپریږي.