اوکراین ته د پوځي مرستو مخالف نوماند په سلواکیا کې ټاکنې وګټلې
د سلواکیا پخوانی لومړی وزیر رابرټ فیکو د دغه هېواد پارلماني ټاکنې وګټلې. هغه اوکراین ته د خپل هېواد د پوځي مرستو مخالف دی او ویلي یې دي چې دا بهیر به ودروي.
د سلواکیا پخوانی لومړی وزیر رابرټ فیکو د دغه هېواد پارلماني ټاکنې وګټلې. هغه اوکراین ته د خپل هېواد د پوځي مرستو مخالف دی او ویلي یې دي چې دا بهیر به ودروي.
د ښاغلي فیکو په مشرۍ کیڼ اړخي سوسیال دیموکرات ګوند په دې بریالی شو چې ۲۴ سلنه رایې خپلې کړي او له لیبرال ګوند څخه چې ۱۷ سلنه رایې یې ترلاسه کړې، مخکې شو.
د شنبې په ورځ (د تلې۸ مه) د سلواکیا په ټاکنو کې ۹۸ سلنه رایې شمېرل شوې وې.
په ټاکنو کې له بریا سره سره د رابرټ فیکو په مشرۍ سوسیال دیموکرات ګوند اړ دی چې د حکومت جوړولو لپاره د ځینو نورو ګوندونو ملاتړ ترلاسه کړي.
د سلواکیا اوسنی حکومت چې د ناټو غړی دی، له اوکراین څخه يې پراخ پوځي ملاتړ کړی، خو رابرټ فیکو د مسکو ملاتړی او کییف ته د مرستو ورکړې مخالف دی.
ښاغلي فیکو د خپل ټاکنیز کمپاین پر مهال ژمنه کړې وه چې که ټاکنې وګټي نو پر اوکراین به پوځي مرستې بندې کړي.
