جو بایډن: جمهوريت پال دې د فډرالي حکومت په بودیجه کې اوکراین ته مرستې شاملې کړي

د کردستان د کارګر ګوند (پي کې کې) په ۱۹۸۴ کال کې د ترکیې د حکومت پر ضد پوځي عملیات پیل کړل چې موخه یې د کردستان د یوه خپلواک حکومت جوړول دي.

دغه وسله واله ډله د ترکیې، امریکا متحده ایالاتو او اروپايي ټولنې له خوا د یوې «ترهګرې» ډلې په توګه پیژندل شوې.

د ترکیې پوځ وايي، د عراق په شمال کې یې د هاکورک، قندیل او ګارا په سیمو کې د «ترهګرو» پر پټنځایونو بریدونه کړي دي.

د ترکیې د دفاع وزارت په خبرپاڼه کې راغلي دي چې، «د عراق په شمال کې د خلکو پرخلاف د ترهګریزو بریدونو د له منځه وړلو او د کردستان د کارګر ګوند (پي کې کې) او نورو ترهګرو ډلو د ځپلو په موخه په هاکورک، قندیل او ګارا سیمو کې د هدفونو پر خلاف هوايي عملیات ترسره شوي دي.»

د ترکیې د دفاع وزارت زیاته کړه چې دا جګړه به تر هغه پای ته ونه رسیږي چې یو «ترهګر» هم پاتې وي.

دغه وزارت د خپلو هوايي عملیاتو له امله د اوښتې مرګ ژوبلې په اړه جزیات نه دي ورکړي.

د ترکیې دغه هوايي عملیات په داسې حال کې شوي چې پرون سهار د ترکیې پلازمېنه انقره د یوه ځانمرګي برید هدف وګرځید.

ددغه برید مسولیت چې دوه بریدګر پکې ووژل شول د کردستان د کارګر ګوند و مانه، دغه ګوند د ترکيې د حکومت پر ضد جنګېږي.

د ایران عامې روغتیا وزارت مرستیال حسین فرشیدي د تلې په ۸ مه په یوه خبري غونډه کې د تنباکو د نه کارولو پر اړتیا ټینګار وکړ او په دغه هېواد کې یې د زړه ناروغیو لوړ لګښت ته اشاره وکړه.

له دې وړاندې د ایران د شهید بهشتي د طبي علومو د پوهنتون د تنباکو د مخنیوي او کنټرول د څېړنو مرکز مشر ویلي و، که د سیګرټو او قیلون کارول هم د تنباکو د مصرف په نوملړ کې راشي، نو بیا له ۲۰ تر ۲۵ سلنې پورې ښځینه او نارینه تنباکوکاروي.

هغه وویل شمیرې ښیي چې د نړۍ د هیوادونو په کچه ایران په منځني او د ګاونډیو هیوادونو منځنۍ ختیځ په کچه د نوملړ په سر کې راځي .

سربېره پردې هغه یادونه وکړه چې په ایران کې د سیګرټ څکولو عمر له ۱۳څخه ۱۵ کلونو ته راټیټ شوی دی.

د دې ګڼ نفوسه ښار ډیری برخې د جمعې په ورځ د ۲۰ ملي مترو بارانونو شاهد و.

که څه هم د شنبې په ورځ د سېلاب ګواښ کم شو، خو د بروکلین په سیمه کې یوه روغتون ویلي چې د برېښنا له پرې کېدو وروسته د سېلاب د ګواښ له امله خپل کارکوونکي او ناروغان له روغتون څخه باسي.

رویټرز راپور ورکړی چې د باران ځواک دومره ډیر و چې د نیویارک ځینې سړکونه سیندونو ته ورته شوي وو.

دا حالت د ښاري ټرانسپورټ د ګډوډۍ لامل هم شو او ځینې الوتنې د لیګوارډیا په هوایي ډګر کې لغوه یا وځنډول شوې.

د نیویارک والي کیټي هوکول وویل: «له بده مرغه، موږ باید دا د نوي حقیقت په توګه ومنو.»

نوموړي د ګړندۍ مرستې رسونې په موخه بیړني حالت د پنځو نورو ورځو لپاره وغځاوه.

د یادولو ده چې، تر اوسه د دغه توپان او سيلاب له امله د زیانونو راپور نه دی ورکړل شوی.

د عراق د کورنیو چارو وزیر عبدالامیر الشمري د یکشنبې په ورځ په یوه خبري کنفرانس کې د پلټنو پایلې اعلان کړې او ویلي یې دي چې، د سالون مالک ۹۰۰ کسانو ته د ننوتو اجازه ورکړې وه، خو دا سالون د ۴۰۰ کسانو لپاره جوړ شوی و.

الشمري وویل، «د اور لګېدونکو سینګارتوکو کارولو په چټکۍ سره د اور په خپریدو کې مرسته کړې او د واده تالار یې د اور په توپ بدل کړ.»

هغه زیاته کړه، «اورلګیدنې خلک د واده په تالار کې دننه بند کړل، ځکه چې د وتلو دروازې لږې او کوچنۍ وې او د ژغورنې ډلې دوی ته د رسیدو لپاره هڅې کولې.»

له دې سره، ویل کېږي چې اورلګېدنه ناڅاپي او د بې احتیاطۍ له امله رامنځته شوې ده.

د عراق د کورنیو چارو وزیر د مړو شمیر ۱۰۷ تنه اعلان کړ او ویې ویل چې څېړنیزې ډلې وړاندیز کړی چې حکومت دې د وژل شویو او ټپیانو له کورنیو سره مالي مرستې وکړي.

د عراق لومړي وزیر محمد شیاع السوداني د پنجشنبې په ورځ په دوو روغتونونو کې د اورلګېدنې له قربانیانو سره وکتل او ژمنه یې وکړه چې د اور لګېدنې عاملان به ونیسي.

د بریټانیا دفاع وزیر د شنبې په ورځ اوکراین ته د پوځي روزونکو د استولو د پلان ملاتړ وکړ.

د برېټانیې د دفاع وزیر ګرانټ شاپس د شنبې په ورځ په یوې مرکه کې وویل چې، دی غواړي په برېټانیا او نورو لویدیځو هیوادونو کې د اوکرایني سرتېرو د روزنې ترڅنګ اوکراین ته د برېټانیې پوځي روزونکي هم واستوي.

هغه هیله څرګنده کړه چې د برېټانیا پوځي شرکتونه به په اوکراین کې د وسلو د فابریکو د جوړولو د پلان هرکلی وکړي.

پخواني ولسمشر او د پوتین ملګری مدودف، د برېټانیا د دفاع وزیر د څرګندونو په غبرګون کې وویل: «د دغو روزونکو شتون زموږ د وسله والو ځواکونو لپاره مشروع هدف ګرځي، دوی ډیر ښه پوهیږي چې په بې رحمۍ سره به له منځه ولاړ شي.»

هغه پر هغو کسانو چې غواړي جرمني اوکراین ته د کروز تاروس توغندي ورکړي هم نیوکه وکړه.

مدودف وویل، «دوی وايي چې دا کار د نړیوالو قوانینو سره سم دی، نو د جرمني پر فابریکو باندې برید چې دا توغندي پکې جوړیږي هم د نړیوالو قوانینو سره سم دی.»

د روسیې د امنیت شورا مرستیال خبرداری ورکړ چې د لویدیځ دا کړنې به نړۍ دریمې نړیوالې جګړې ته نږدې کړي.

ددغه لوړپوړي روسي چارواکي له څرګندونو وروسته، د برېټانیا لومړي وزیر ریشي سونک د یکشنبې په ورځ وویل چې اوکراین ته د پوځي روزونکو د استولو سمدستي پلان نه لري.

سونک زیاته کړه: «د دفاع وزیر مطلب دا و چې یوه ورځ به په اوکراین کې د پوځي روزنې یوه برخه ترسره کړو، خو دا کیدای شي یو اوږدمهاله پلان وي.»

هغه وویل چې، «هیڅ برېټانیاوي سرتیری په اوسنۍ جګړه کې اوکراین ته د مرستې لپارهنه دی لیږل شوی.»

برېټانيا تېر کال له اوکراين څخه بهر شاوخوا شل زره اوکرايني پوځيانو ته پنځه اونۍ پوځي روزنيز پروګرامونه جوړ کړل او په راتلونکي کې هم د ورته شمېر د روزنې پلان لري.