د کرېکټ نړیوال جام ۳۹ سیالۍ د اسټرالیا په مقابل کې د افغان لوبډلې په توپ وهلو پیل شوه. افغان لوبغاړي ابراهیم ځدراڼ په دې لوبه کې پنځوسیزه وکړه. د افغان کرېکټ بورډ د مالوماتو له مخې، دا په روان نړیوال جام کې د ابراهیم ځدراڼ شپږمه پنځوسیزه ده.
تراوسه د افغان لوبډلې یو لوبغاړی رحمان الله ګربز سوځېدلی دی.
افغان لوبډلې تر ۲۵ اور پورې ۱۲۱ منډې کړې دي.
دواړو لوبډلو تراوسه ۷ـ۷ لوبې کړې، چې پکې اسټرالیا پنځه او افغانستان څلور ګټلې دي.
د جدول له مخې افغانستان څلور او اسټرالیا دریم ځای لري.
د افغانستان د کرېکټ ملي لوبډله چې ډېره ځوانه لوبډله ده، هیچا داسې نه ګڼله چې دغه لوبډله دې په نړۍوالو سیالیو کې داسې لوبډلو ته ماته ورکړي، چې تر دې وړاندې د دغو سیالیو اتلوالي یې خپله کړې وه.
خو د افغان ملي لوبډلې لوبغاړو په سږني نړۍوال جان کې داسې لوبډلې ماتې کړې چې چا یې تصور هم نه شو کولای.
د افغانستان د ملي لوبډلې له هر بري وروسته د هند د کرېکټ مشهور لوبغاړي «عرفان پټان» دغه بریا ولمانځله او په همدغې خوشالۍ کې یې مسته نڅا هم وکړه، ایا نن به بیا هم هغه د افغانستان د بري په خوشالۍ کې بیا هم ونڅېږي؟
د افغانستان لوبډله د نړۍوال جام په سیالیو کې تر دې مهاله ښه ځلېدلې ده؛ خو نن د هغې لوبډلې پر وړاندې لوبه کوي، چې پنڅه ځلې د نړۍوال چام اتله پاتې شوې.
د اسټرالیا لوبډله ډېره تجربه لري، سره له دې چې د ۲۰۲۳ کال په نړۍوال جام کې ښه پیل نه لاره او په دوو سیالیو کې یې د هند او سویلي افریقا لوبډلو ته سیالي وبایلله؛ خو پنځه نورې لوبې یې یو په بل پسې وګټلې، په دې توګه یې د سریلانکا، پاکستان، هالنډ، نیوزیلنډ او انگلستان لوبډلو ته ماته ورکړه.
افغانستان هم د نړۍوال جام په پیل کې خپلې لوبې سمې پیل نه کړې او خپلې دوه لومړۍ لوبې یې بنګله دېش او هند ته وبایللې؛ خو په درېیمه سیالۍ کې یې د نړۍوالو سیالیو اتل انګلستان ته ماتې ورکړه.
افغان لوبډلې خپله څلورمه سیالي نیوزیلنډ ته وبایلله؛ خو له هغې وروسته یې خپلې درې لوبې په پر له پسې توګه له پاکستان، سریلانکا او هالنډ څخه په زیات توپیر سره وګټلې.
افغانستان له اوو لوبو څخه اته نومرې لري او په نړۍوال نوملړ کې یې شپږم ځای خپل کړی او اسټرالیا هم درېیم ځای لري.
خو ډېر ځله چې د لوبو په څنډو کې ځینې نادرې پېښې کېږي د خلکو پام زیات وراوړي، کله چې افغانستان د باکستان لوبډله ماته کړه؛ نو د هند نوم وتی لوبغاړی عرفان پټان د راشد خان سره په ګډه ونڅېد چې له هغه وروسته د نڅېدلو دغه لړۍ پیل شوه چې دغه خبره د ډېرو خلکو د ژبو په سر پاتې شوه او ان دا چې پاکستاني رسنۍ یې هم سختې بوختې وساتلې.
ننۍ لوبه دواړو غاړو ته خورا ارزښتناکه ده؛ ځکه که هر یوه ګټونکې شي نو نیمه پایلوبې ته لاره اېستی شي.
اسټرالیا به په ننۍ لوبه کې مېچل مارش و گلن ماکسول له ځانه سره ولري؛ خو د استیون اسمیټ د چمتوالي په برخه کې لا هم شکونه شته.
د افغانستان وتلی توپ اچوونکی راشد خان ارمان سره له دې چې په دغه نړۍوال جام کې هغسې چې په کار وه نه دی ځلېدلی؛ خو هغه چې کلونه، کلونه په بېګ باش کې لوبېدلی د هغه ځای د لوبغاړو په هکله ژور معلومات هم لري.
هغه کولای شي، چې د اسټرالیا لوبډله تر سخت فشار لاندې راولي.
د راشد خان یوه ځانګړنه دا ده؛ که ویکټه نه اخلي، هم خو سیالې لوبډلې ته د منډو چانس نه ورکوي.
د افغانستان د لوبډلې بله ښېګڼه دا ده، چې د کم عمر او لږې تجربې سره، سره بیا هم په نړۍوالو سیالیو کې یې د ډېرو خلکو پام ځان ته اړولی دی.
په هغو لوبو کې چې دغو دوو لوبډلو په ٢٠١٢، ٢٠١٥ او ٢٠١٩ کلونو کې له یو بل سره لرلې، اسټرالیا تر افغانستانه برلاسې وه؛ خو دا بلا داسې ښکاري چې د افغانستان لوبډله کولای شي چې ډېرې وتلې لوبډلې هم ماتې کړي.
که افغانستان نن اسټرالیا ته ماتې ورکړي، لس نومرې به تر لاسه کړي او په دې توګه به یې نیمه پایلوبې ته د ورتلو چانس زیات شي.
د کرېکټ د نړۍوال پنځوس اوریز جام په سیالیو کې نن بنګله دېش د سریلانکا لوبډلې ته د درېیو ویکټو په توپیر سره ماتې ورکړه.
د توپ وهنې په لومړۍ پاڼۍ کې سریلانکا د بنګله دېش لوبډلې ته ۲۸۰ منډې هدف وټاکه او د بنګله دېش د توپوهنې په پاڼۍ کې یادې لوبډلې د اوو لوبغاړو په سوځېدو سره په ۴۲ اورونو کې یاد هدف پوره کړ.
ټاکل شوې، چې د نړۍوال جام د سیالیو په ترڅ کې سبا افغانستان له اسټرالیا سره په لوبه کې مخامخ شي.
افغانستان تر دې دمه څلور لوبې ګټلي او په درېیو کې یې ماتې خوړلې ده.
د کرېکټ نړیوال جام ۳۶ سیالۍ کې نن اسټرالیا مدافع لوبډلې انګلڼد ته په ۳۳ منډو ماته ورکړه. له دې سره دفاعي اتلې لوبډلې انګلنډ نیمه پایلوبې ته د تللو چانس یې له لاسه ورکړ. د اسټرالیا لوبډلې لومړۍ توپ وهنه وکړه او په ۴۹.۳ اوور کې د ټولو لوبغاړو په سوځیدلو سره ۲۸۷ منډې جوړې کړې.
د انګلنډ لوبډلې کپتان جوس بټلر د کوربه هند د احمد اباد ښار په نریندرامودي لوبغالي کې د پچې ګټلو سره توپ اچولو ته مخه کړه.
انګلنډ د ۲۸۷ هدف د تعقیب لپاره په ۴۸.۱ اورونو کې د ټولو لوبغاړو په سوځېدو سره ۲۵۳ منډې جوړې کړې.
د اسټرالیایي لوبغاړي مارنس لبوشین د ۷۱، کیمرون ګرین ۴۷، مارکس ۳۵ او ایډم زیمپا ۲۹ منډو کې وسوځیدل.
ادم زمپا د لوبې غوره لوبغاړی وټاکل شو.
د انګلنډ لوبډله کې کرس ووکس ۴ ویکټې، عادل رشید او مارک دوه دوه ویکټې او لیونګستن او ډیوډ یوه یوه ویکته واخیسته.
د انګلنډ لوبډلې څخه بین ستوکس ۶۴، ډیویډ ملان ۵۰، معین علي ۴۲، کرس ووکس ۳۲ او ډیویډ ولي ۱۴ منډې وکړې.
د اسټرالیا له خوا ادم زامپا ۳ ویکټې، سټارک، هیزول ووډ او کیومنزني دوه دوه ویکټې واخیستې.
اسټرالیا د نننۍ لوبې سره په روان نړیوال جام کې ۶ لوبې وکړې چې یوازې یوه یې بایللې ده.
انګلنډ هم ۶ سیالۍ کړې خو یوازې یوه یې ګټلې او ۵ یې بایللې دي.
په کرېکټ نړیوال جام کې د باران له امله لوبه د پاکستان ملي لوبډلې په ګټه تمامه شوه نوي زيلنډ ته یې د ډي اېل اېس میتود له مخې په ۲۱ منډو ماته ور کړه. د نوي زیلنډ لوبډلې لومړۍ توپ وهنه وکړه او په ټاکل شوو اورونو کې یې د ۶ لوبغاړو په سوځیدو سره ۴۰۱ منډې جوړې کړې.
پاکستان د هدف د ترلاسه کولو په هڅه کې په ۲۵.۳ اورونو کې د یوه لوبغاړي په سوځېدو سره ۲۰۰ منډې جوړې کړې او لوبه د باران له امله ختمه شوه.
د نوي زیلنډ لوبغاړو کې ریچن راویندرا ۱۰۸ او کین ویلیام سن ۹۵ منډو سره تر ټولو ډېرې منډې وکړې.
د پاکستان لوبغاړو کې محمد وسیم ۳ ویکټې، حسن علي، افتخار احمد او حارث روف یوه یوه ویکټه واخیسته.
افتخار زمان د لوبې غوره لوبغاړی شو.
په روان نړیوال جام کې نوي زیلنډ ۵ لوبې کړي، خو یوازې یوه یې ګټلې ده.
پاکستان هم په روان نړیوال جام کې ۵ لوبې کړي، چې درې یې بایللې او ستره ماته یې هم د افغانستان ملي لوبډلې پر وړاندې وه.
د کرېکټ نړیوال جام ۳۶ سیالۍ کې نن اسټرالیا د انګلنډ ملي لوبډلې ته د ګټلو لپاره ۲۸۷ منډې هدف وټاکه. د انګلنډ لوبډلې کپتان جوس بټلر د پچې ګټلو سره توپ اچولو ته مخه کړه. د اسټرالیا لوبډلې په ۴۹.۳ اوور کې د ټولو لوبغاړو په سوځیدلو سره ۲۸۷ منډې جوړې کړې.
د اسټرالیایي لوبغاړي مارنس لبوشین د ۷۱، کیمرون ګرین ۴۷، مارکس ۳۵ او ایډم زیمپا ۲۹ منډو کې وسوځیدل.
د انګلنډ د لوبډلې څخه کرس ووکس ۴ ویکټې، عادل رشید او مارک دوه دوه ویکټې او لیونګستن او ډیوډ یوه یوه ویکته واخیسته.
دا لوبه کوربه هند د احمد اباد ښار په نریندرامودي لوبغالي کې روانه ده.
اسټرالیا په اوسني نړیوال جام کې ۵ سیالۍ کړې، چې څلور یې ګټلې او یوه یې بایللې ده.
انګلنډ هم پنځه سیالۍ کړې خو یوازې یوه یې ګټلې او ۴ یې بایللې دي.