اورشلیم پوسټ: د اسماعیل هنیه لور د اسراییلي ځواکونو په برید کې ووژل شوه
اسراييلي ورځپاڼې اورشلیم پوسټ د فلسطيني رسنيو په حواله ليکلي، چې د حماس د سياسي دفتر د مشر اسماعيل هنيه لور د اسراییل د دفاعي ځواکونو په بريد کې وژل شوې ده.
اسراييلي ورځپاڼې اورشلیم پوسټ د فلسطيني رسنيو په حواله ليکلي، چې د حماس د سياسي دفتر د مشر اسماعيل هنيه لور د اسراییل د دفاعي ځواکونو په بريد کې وژل شوې ده.
دې ورځپاڼې د دې خبر په اړه نور وضاحت نه دی کړی.
ښاغلی هنیه د پنجشنبې په ورځ د حماس له بل مشر خالد مشعل سره د مصر له چارواکو سره د خبرو لپاره قاهرې ته ولاړ.په هغه بیانیه کې چې د حماس دغو دواړو مشرانو خپره کړې راغلي، چې دوی د مصر د استخباراتو د سازمان له مشر عباس کامل سره کتلي او خبرې یې کړې دي.
د اکتوبر پر ۷ د اسراييل په سویل کې د حماس له برید وروسته د دغې فلسطيني ډلې مشران د اسراييلي ځواکونو د بريدونو هدف ګڼل کيږي.
د اسټرالیا حکومت ویلي چې هر کال شاوخوا ۲۸۰ کسانو ته ویزې ورکوي.
اسټرالیایي ورځپاڼي سانډي هرالډ مارنینګ راپور ورکړی چې د تووالو ټول ۱۱ زره او ۲۰۰ اوسیدونکو ته به پناه ورکړل شي که د اقلیمي بدلون له امله دې کوچني هېواد کې استوګنه ستونزمنه شي.
وړاندوینه کیږي چې د تووالو د پلازمینې فونافوټي نیمایي برخه به تر ۲۰۵۰ میلادي کاله پورې له اوبو لاندې شي.
د استرالیا د لومړي وزیر انټوني البانیز او د تووالو د حکومت ترمنځ د تړون له مخې د دغه هېواد اوسیدونکي په استرالیا کې ژوند، کار او زدکړې کولی شي.
استرالیا هم ژمنه کړې چې د طبیعي پېښو، ساري ناروغیو یا پوځي یرغل پر وړاندې له دغه کوچني هېواد سره به مرسته وکړي.
د تووالو د بهرنیو چارو وزیر په ۲۰۲۱ میلادي کال کې د اوبو له منځه د ملګرو ملتونو د اقلیم په سرمشریزه کې وینا وکړه
اسټرالیا د نوې هوکړې ځینې برخې د ارام سمندر دې هېواد کې د چین د نفوذ په اړه د اندېښنې له امله دي.
دا تړون اسټرالیا ته اجازه ورکوي چې د تووالو او چین ترمنځ هر ډول امنیتي تړون یا دفاعي همکارۍ ویټو کړي ترڅو د چین د نفوذ مخه ونیسي.
په ورته وخت کې، تووالو یو له هغو ۱۳ هېوادونو څخه دی چې له تایوان سره رسمي ډیپلوماتیکې اړیکې لري.
