د کرېکټ نړیوال جام په ۴۲ سیالۍ کې سوېلي افریقا په ۵ ویکټو د افغانستان ملي لوبډلې ته ماتې ورکړه. افغان لوبډلې د پچې ګټلو سره د توپ وهلو پرېکړه وکړه او د ټولو لوبغاړو په سوځېدو سره یې ۲۴۴ منډې وکړې.
سویلي افریقا په ۴۷.۳ اور کې د ۵ ویکټو په زیان سره هدف ته ځان ورساوه.
په افغان لوبغاړو کې عظمت الله عمرزي ۹۷ ناسوځېدلې منډې وکړې.
د افغانستان او سوېلي افریقا دا سیالي د هند په احمد اباد ښار کې ترسره شوه.
د سویلي افریقا توپ اچوونکي جارلد کوټزي ۴ ویکټې، لانجي اینګیډي او کیشف ماهراج دوه دوه ویکټې او اندیلي فلیکوایو یوه ویکټه واخیسته.
د سویلی افریقا توپ وهونکو کې راییسي وانډرسن ۷۶ او اندیلي فلیکو ۳۹ د ښې ملګرتیا تر څنګ یې تر ټولو ډېرې منډي وکړي او ناټ اوټ یا نا سوځیدلي پاتې شول.
افغان توپ اچوونکو کې محمد نبي او راشد خان دوه دوه ویکټې او مجیب الرحمن یوه ویکټه واخیسته.
راییسي وانډرسن د لوبې غوره لوبغاړی شو.
سویلي افریقا مخکې نیمه پایلوبې ته لار موندلې او افغانستان له پایلوبې پاتې شو.
په ګروپي پړاو کې د دواړو لوبډلو وروستۍ لوبې وې.
