احمد مسعود د پاریس د سولې کانفرانس کې ګډون وکړ
د افغانستان د ملي مقاومت جبهې مشر احمد مسعود د پاریس د سولې کانفرانس د پرانیستې په مراسمو کې ګډون وکړ. دغه مراسم د جمعې په ورځ د فرانسې په پلازمینه کې د فرانسې د ولسمشر، د اروپايي شورا د رییس او د اروپا، اسیایي او افریقایي دولتونو د یوشمیر مشرانو په حضور کې ترسره شول.
د نړیوالو ادارو ځینې استازي هم دې دوه ورځنۍ غونډه کې ګډون کوي چې د ۲۱ پېړۍ ننګونو ته د اغېزناکو ټولیزو حل لارو پر موندلو چورلي.
د پاریس سولې کانفرانس کې به پر سترو مسلو لکه سولې ته رسېدل، بې وزلي ختمول، د ځمکې تودېدل، د خوړو امنیت، نړیوالو روغتیا، د مصنوعي هوش اغېز او پر اقلیمي بدلون بحث وشي.
