له پاکستان څخه د افغان کډوالو د ډله ییزو ایستل کېدو تصویري کیسه؛ د چمن پر پوله څه روان دي؟ په افغانستان کې د طالبانو او پاکستاني چارواکو له خوا د خپرو شویو شمېرو له مخې؛ له پاکستانه د افغان کډوالو د ایستلو بهیر په چټکۍ سره دوام لري.
پاکستاني رسنيو د دوشنبې په ورځ (د لړم په ٢٢مه) وويل، چې تر ٢٢٠ زره زيات افغان کډوال افغانستان ته راستانه شوي دي.
د پاکستاني چارواکو په وینا؛ یوازې د یکشنبې په ورځ ۳۴۳ کسان له ۳۱۲ موټرو سره افغانستان ته راستانه شول.
خو د طالبانو له خوا خپرې شوې احصایې له دغو احصایو سره توپیر لري.
د طالبانو د کډوالو چارو وزارت د یکشنبې په ورځ د تورخم او سپین بولدک له لارو د راستانه شویو کډوالو شمېر پنځه زره او ۵۷ تنه اعلان کړ.
پاکستان بیا خبر ورکړی، چې سر له نن څخه به د ډېورنډ پر پوله درې نورې لارې پرانیزي.
د کډوالۍ د ژوند د بدمرغۍ څو کوچنۍ نندارې.
