په هندي کشمیر کې د یوه مسافر وړونکي بس د چپه کېدو له امله ۳۷ کسان مړه شوي دي
هندي چارواکو ویلي، چې په هندي کشمیر کې د ۴۲ مسافر وړونکي بس د چپه کېدو له امله ۳۷ کسان مړه شوي او ۱۸ نور ټپیان شوي دي.
هندي چارواکو ویلي، چې په هندي کشمیر کې د ۴۲ مسافر وړونکي بس د چپه کېدو له امله ۳۷ کسان مړه شوي او ۱۸ نور ټپیان شوي دي.
د چارواکو په وینا؛ دغه بس د چهارشنبې په ورځ (د لړم په ۲۴مه) د هیمالیا پر یوه سړک له لارې منحرف شو او له ۲۰۰ متره لاندې بل سړک ته ولوېد.
تر اوسه د دې ترافيکي پېښې لامل نه دى معلوم؛ خو د پوليسو يوه افسر رسنيو ته ويلي، چې د بس مسافرانو شمېر له حده ډېر و او د بس سرعت هم ډېر و.
روغتون ته د وړل شويو څلورو ټپيانو روغتيايي حالت د اندېښنې وړ ښودل شوى دى.
له دې پېښې وروسته د هند لومړي وزیر نریندرا مودي پر اېکس ټولنیزه پاڼه له ټپیانو او د قربانیانو له کورنیو سره د مالي مرستو اعلان وکړ.
د فرانسې د اژانس د راپور له مخې؛ هند د ټرافیکي پېښو له امله د مړینې تر ټولو لوړه کچه لري، چې دا ټرافیکي پېښې د موټر چلوونکو د بې احتیاطۍ، د سړکونو خراب وضعیت او د زړو موټر له امله رامنځته کیږي.
