ننګرهار کې یو تن پر ځان پورې د تړل شویو چاودېدونکو توکو د چاودنې له امله وژل شوی

د ننګرهار لپاره د طالبانو د رسنیو دفتر په خبرپانه کې راغلي، چې نن د (لړم ۲۵مه) د ننګرهار ولایت د سره رود ولسوالۍ د نغرک پل ته څېرمه د یوې سلمانۍ مخې ته د یو تن پر بدن تړل شويو چاودېدونکو توکو چاودنه کړې، چې له امله یې خپله وژل شوی او د سلمانۍ یو کارکوونکی پکې ټپي شوی دی.

په ننګرهار کې ځایي طالب چارواکي وايي، د وژل شوي کس هویت څرګند نه دی او د پېښې په اړه په سیمه کې پلټنې پیل شوې دي.