د کرېکټ ۱۹ کلنو اسیا جام سیالیو په دوام نن افغانستان د نیپال په وړاندې لوبیږي

AP ۱۴۰۲ لیندۍ ۱۹

دغه سیالۍ چې د متحده عربي اماراتو په کوربه توب پیل شوې، نن یک شنبه د (لیندۍ ۱۹ مه) افغانستان د نیپال په وړاندې د سیالۍ ډګر ښکته شو.

نیپال لوبډلې د لوبې پچه ګټلې او لومړی یې د افغان لوبډلې پر وړاندې د توپ اچونې پرېکړه وکړه. او افغان لوبډلې ته یې د توپ وهني بلنه ورکړه.

افغانستان خپله لومړۍ لوبه دوه ورځې وړاندې هند ته د اوو ویکټو په توپیر و بایلله.

په تېره سیالۍ کې هم د لوبې پچه د هند لوبډلې ګټلې وه او افغانستان ته یې د توپ وهنې بلنه ورکړې وه.

د جمعې په ورځ له هند سره د ۱۹ کلنو اسیا جام په لومړۍ لوبه کې افغان ۱۹ کلنو لوبډلې په تولو پنځوس اورونو کې د لسو ویکټو په له لاسه ورکولو سره ۱۷۳ منډې جوړې کړې وې.

هند د افغان لوبډلې د ۱۷۴ منډو هدف د لوبې په ۳۷،۳ اورونو کې پوره کړ او افغان لوبډلې ته یې د اوو ویکټو په توپیر ماتې ورکړه.

بل خوا نن یکشنبه هند د پاکستان پر وړاندې د سیالۍ ډګر ښکته شوی .

د پاکستان لوبډلې د هند پر وړاندې د سیالۍ پچه ګټلې او هند ته یې د توپ وهنې بلنه ورکړې.

پاکستان د ۲۰۲۳ کال د ۱۹ کلنو اسیا جام لومړۍ لوبه له نیپال او هند بیا خپله لومړۍ لوبه له افغانستان څخه ګټلې ده.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ