د افغان کرېکټ ۱۹ کلنو لوبډلې نیپال د ۷۳ منډو په لوی توپیر مات کړ

د طالبانو سترې محکمې نن یکشنبه د یوې خپرپاڼې خپرولو سره وویل دغه حکم د طالبانو سترې محکمې د عالي مقام لخوا تایید شوی و.

د طالبانو سترې محکمې په دغه خبرپاڼه کې د تورن کس د سزا د ځای په اړه معلومات نه دي ورکړي.

د طالبانو واک ته رسېدو سره نه یوازې په کابل کې بلکې په ګڼو ولایتونو کې عام خلک په عام محضر کې په درو وهلي دي.

طالبان چاته اجازه نه ورکوي چې د سزا دغه بهیر عکاسي کړي.

د عامو افغانانو نیوکې دا دي چې طالبان عامو خلکو ته په عام محضر کې سزا ورکوي خو د خپلو غړو پرخلاف دا عمل نه کوي او هڅه کوي چې د خپلې ډلې تورن کسان له محاکمو پچ کړي.

دوی وروستۍ بېلګه کې د کابل برېشنا ریاست رییس ملا احمد اخوند یادونه کوي چې په یوه مستنده وېډیو کې چې افغانستان انټرنشنل خپره کړه، خپل ساتونکی په یوه بستر کې له ځان سره څملوي.

خو طالبانو نه یوازې هغه محاکمه نه کړ، بلکې هغه ته یوې محکمې له بې پرې څېړنو پرته برات ورکړ او یوازې له دندې ګوښه کړ.

احمد معروف خاني وايي، که کوم سوداګر طالبانو ته اضافه پیسې ور کړي او معامله ور سره وکړي، نو ټانکر به یې افغانستان ته تېر شی.

د تسنیم خبري اژانس د راپور له مخې، ښاغلي معروف خاني د یکشنبې په ورځ په خبري غونډه کې وویل: کله کله له افغانستان داسې خبرونه راځي چې د ایران صادراتي پټرول یې ستانه کړي دي، خو دا خبرونه د ایران پرضد له شیطنت او فضاسازي سرچینه اخلي.

خو تر معروف خاني مخکې د ایران د تېلي محصولو اتحادیې پخواني مشر حمید حسیني په تېر جون کې ویلي و چې افغانستان او عراق نور د ایران بې کیفیته پټرول نه اخلي.

د هغه په خبره، په افغانستان کې د تېلي محصولاتو د معیار په لوړېدو سره اوس دوی نه غواړي چې دا توکي له ایران رانیسي او پر ځای یې د ازبکستان او روسیې سونتوکي کاروي.

ایراني چارواکي وخت په وخت له هغه وروسته دا ډول ضد او نقیضې څرګندونې کوي چې طالبان له دغه هېواد صادر شوي سونتوکي د کم کیفیت د درلودو په ادعا ور ستانه کړي.

لس ورځې مخکې «د نومبر پر ۳۰» د ایران سپاه پاسدران ته نېږدې رسنۍ تسنیم وویل؛ د دغه هېواد حکومت افغانستان ته د پټرولو صادرولو تړون نه لري.

د دې رسنۍ دا غبرګون له هغه وروسته وو، چې د طالبانو د سټنډرډ ملي ادارې په همغه ورځ وویل، ۲۴ ټانکره ټیټ کیفیته سونتوکي یې ایران ته ور وګرځول.

خو تسنیم خبري اژانس دغه خبر ته په شاره لیکلي و، افغانستان ته د قاچاق یا هم د خصوصي برخې له خوا د هایدرو کاربوري محصولاتو په چوکاټ کې پټرول صادرېږي.

د طالبانو کورنیو چارو وزارت په یوه خبرپاڼه کې لیکلي، چې دغه جومات د سراج الدین حقاني په امر او د یوه سوداګر په مالي مرسته جوړ شوی دی.

د دغه جومات د پرانېستې په مراسمو کې د طالبانو د کورنیو چارو وزیر دا د ودانیزو پروژو یوه برخه وګڼله او ویې ویل، چې طالبانو د جوماتونو په جوړولو سره وښوده، چې دوی د ورانولو په لټه کې نه دي، بلکې د جوړولو په لټه کې دي.

د طالبانو ډله په تیرو دوو لسیزو کې په پرله پسې ډول په جوماتونو په بریدونو تورنه شوې ده او په ځینو مواردو کې دغې ډلې د دغو بریدونو د تنظیمولو مسوولیت په غاړه اخیستی دی.

سراج الدین حقاني وویل چې د افغانستان په لویو لارو کې د جوماتونو د جوړولو لپاره د طالبانو پریکړه د ساختماني پروژو د پلي کیدو دوام دی.

د طالبانو کابینې سږ کال په خپله ۲۹مه غونډه کې د ټولګټو وزارت ته امر وکړ چې د لویو لارو په اوږدو کې په هر سل کیلومترۍ کې یو جومات جوړ کړي.

د طالبانو د چارو ادارې د سلواغې په ٩مه، په يوه خبرپاڼه کې ليکلي، چې د طالبانو کابينې دا امر هم کړى، چې د لويو لارو په اوږدو کې د تېلو د ټانکونو خاوندان دې د جوماتونو جوړولو ته وهڅول شي.

په تېرو دوو کلونو کې طالبانو د جوماتونو او دیني مدرسو پر جوړولو ډېرې پیسې لګولې دي.
​

تمه ده چې امنیت شورا په دې ناسته کې د ملګروملتونو د سرمنشي د ځانګړي استازي فریدونو سینیراوغلي په راپور کې وړاندیزونه ورازوي.

د ښاغلي سینیراوغلي دا راپور د تېرې چارشنبې په ورځ د سرمنشی انتونیو ګوتېرش په لاسلیک د امنیت شورا غړو ته وړاندې شو.

په دغه راپور کې له نړیوالې انزوا د طالبانو د وتلو او د دې ډلې د رسمیت نه پېژندلو د خنډونو د لرې کولو لارې چارې په نښه شوې دي.

په راپور کې ویل شوي چې پر نړیوالو ژمنو درېدل او ټولګډونه اساسي قانون جوړول به له نړیوالو سره د طالبانو د اړیکو په عادي کېدو تمام شي.

د ټولګډونه حکومت د جوړېدو لپاره د افغانانو ترمنځ خبرې هم د دې راپور وړاندیز دی.

دغه غونډه د شنبې په ورځ (د لیندۍ ۱۸مه) د یوې ورځې لپاره د تېر حکومت د مشرانو او ولسي جرګې د استازو، مدني فعالانو او د پوهنتون د استادانو په ګډون جوړه شوه.

د مشرانو جرګې پخوانۍ غړې انارکلي هنریار د جرمني د دوسلدورف په کنفرانس کې وويل چې په افغانستان کې له کلونو کلونو راهيسې توکمیز او جنسيتي توپیر شتون درلود او دا وضعیت تراوسه هم روان دی.

د هنریار په خبره، د طالبانو مخالفان له څه باندې دوو کلونو راهیسې و نه توانیدل چې ټول تر يوه چتر لاندې راټول شي.

نوموړې پر طالبانو نيوکې وکړه او ويې وویل چې، دغې ډلې افغانې نجونې له زده‌کړو بې برخې کړې دي، چې راتلونکی نسل نالوستی پاتې شي او دوی یې د خپلو ایډیالوژیکو موخو او واکمنۍ د بقا لپاره ترې کار واخلي.

په دغه غونډه کې یو شمیر نورو ګډونوالو هم د هیواد د روان وضعیت د مهمو موضوعګانو لپاره بحث او خبرې وکړې.

دا په داسې حال کې ده چې تېره اونۍ هم په ویانا کې د طالبانو د مخالفانو غونډه ترسره شوه.

دغه غونډې د یو شمیر طالب چارواکو د اندېښنې لامل هم ګرځیدلې دي او دوی له خپلو مخالفانو غواړي چې هیواد ته ستانه شي او په سوله ییز چاپیریال کې ژوند وکړي.