د کرېکټ اسیايي شورا افغانستان ته «د بشپړ غړي په اندازه بودیجه» منظوره کړه

AP ۱۴۰۲ سلواغه ۱۲

افغان کرېکټ بورډ وايي؛ د کرېکټ اسیايي شورا کلنۍ ناسته کې پرون افغانستان ته د نورو څلورو بشپړ غړیتوب لرونکو هېوادونو په اندازه بودیجه منظوره شوه.

دا اداره زیاتوي؛ له دې وروسته به افغان کرېکټ بورډ ته هم د هند، بنګلدېش، پاکستان او سرېلانکا د بورډونو په اندازه بودیجه ورکول کېږي.

.

د افغان کرېکټ بورډ مشرتابه تېر کال په بحرین کې د کرېکټ اسیايي شورا په کلنۍ ناسته کې د دې بودیجې غوښتنه کړې وه.

د کرېکټ اسیايي شورا پرونۍ ناسته په انډونیزیا کې وشوه او بیا پکې د هند د کرېکټ عمومي سکرتر جی شا د دغې شورا مشر وټاکل شو.

په دې ناسته کې د افغان کرکټ بورډ عمومي رییس میرویس اشرف او ادارې اجراییوي رییس نصیب خان ګډون کړی و.

افغان کرېکټ بورډ وايي؛ پرونۍ ناسته کې پر تېرو لاسته راوړنو او راتلونکو پلانونو خبرې هم وشوې او ټولو ګډونوالو په اسیا کې د کرېکټ پر لا ډېره پرمختیا ټینګار وکړ.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ