د افغانستان او سریلانکا ترمنځ نن د کرېکټ ټېسټ لوبه پیلېږي

د افغان کرېکټ بورډ مشرتابه تېر کال په بحرین کې د کرېکټ اسیايي شورا په کلنۍ ناسته کې د دې بودیجې غوښتنه کړې وه.

د کرېکټ اسیايي شورا پرونۍ ناسته په انډونیزیا کې وشوه او بیا پکې د هند د کرېکټ عمومي سکرتر جی شا د دغې شورا مشر وټاکل شو.

په دې ناسته کې د افغان کرکټ بورډ عمومي رییس میرویس اشرف او ادارې اجراییوي رییس نصیب خان ګډون کړی و.

افغان کرېکټ بورډ وايي؛ پرونۍ ناسته کې پر تېرو لاسته راوړنو او راتلونکو پلانونو خبرې هم وشوې او ټولو ګډونوالو په اسیا کې د کرېکټ پر لا ډېره پرمختیا ټینګار وکړ.

د ځوانانو د کرېکټ نړۍوال جام د سیالیو په لړ کې نن چهارشنبه (د سلواغې ۱۱مه) تر نولس کلنو کمره عمره افغان لوبډله نن د سویلي افریقا په بېنوني ښار کې له سیالې لوبډلې امریکا سره مخامخ شوه.

په پیل کې پچه افغان لوبډلې وګټله او د توپ اچونې پرېکړه یې وکړه.
امریکا د ټولو لوبغاړو په سوځېدو سره د ۱۴۹ منډو هدف وټاکه او افغانستان دغه لوبه د اوو لوبغاړو په سوځېدو سره د لوبې په وروستي اور کې په خپلې ګټې تمامه کړه.

په لوبه کې رحیم الله زرمتي ۳۷ ناسوځېدلې منډې وکړې، چې د لوبې غوره لوبغاړه هم وټاکل شو.

د افغانستان کرېکټ بورډ ویلي چې، افغان لوبډله د چهار شنبې په ورځ د (سلواغې۱۱مه) له سریلانکا سره د یواځنۍ ټېسټ سیالۍ ترسره کولو په موخه کولمبو ښار ته ورسېده.

دغه سیالۍ د فبرورۍ په دویمه نېټه د سریلانکا پلازمېنې کولمبو ښار په سنهالیز کرېکټ لوبغالي کې ترسره کیږي.

د افغانستان کرېکټ بورډ تېره ورځ د دغې ټېسټ سیالۍ لپاره د حشمت الله شهیدي په لوبډلمشرۍ ۱۶ کسیزه لوبډله اعلان کړه.

بل خوا د افغانستان د کرېکټ بورډ ویاند سید نسیم شاه سادات وايي، افغانستان په روان ۲۰۲۴ کال کې اووه ټېسټ سیالۍ ترسره کوي.

نوموړی وايي، افغانستان په ټېسټ سیالیو کې د مقام ترلاسه کولو وروسته تردې مهاله اووه سیالۍ ترسره کړې دي.

د ښاغلي سادات په خبره کرېکټ بورډ د ۲۰ اوریزو او ۵۰ اوریزو سیالیو تر څنګ ټېسټ سیالیو ته ځانګړې پاملرنه کړې.

نسیم سادات وايي، د کال په اوږدو کې به افغان لوبډله له سریلانکا وروسته شپږ نورې ټېسټ سیالۍ د ایرلینډ، بنګله دیش، نیوزلینډ او زیمبابوې سره وکړي.

دا ټېسټ سیالۍ په داسې حال کې ترسره کیږي چې تر دې مهاله افغان لوبډلې په ټېسټ سیالیو کې د پام وړ کومه لاسته راوړنه نه ده لرلې.

افغانستان کرېکټ بورډ نن دوشنبه د هغو ۱۶ افغان لوبغاړو نومونه اعلان کړل، چې د سريلانکا سره به په يوه ټيسټ لوبه کې ولوبيږي.

افغان کرېکټ بورډ وايي، چې لوبډله د دې ادارې غوراوي کمېټې ټاکلې او تمه لري، چې مثبته پايله به ورکړي.

د سرېلانکا سره مخ افغان لوبډله به د حشمت الله شهيدي په لوبډلمشرۍ لوبه تر سره کړي.

د کرېکټ بورډ غوراوي کمېټې دغه لوبډله غوره کړې ده: « لوبډلمشر حشمت الله شهيدي، اکرام علي خېل او اسحاق رحيمي ويکيټ ساتونکي، ابراهيم ځدران، رحمت شاه، عبدالمالک، نورعلي ځدراڼ، بهيرشاه محبوب، ناصرجمال، قیس احمد، ظاهرخان پکتين، ضياء الرحمن اکبر، يمين احمدزی، نجات مسعود، سليم ساپی او نويد ځدراڼ.»

د افغانستان او سرېلانکا دغه ټيسټ لوبه به د «فېبروري په ۲ مه» د راتلونکې جمعې په ورځ د سرېلانکا په پلازمېنه کولمبو کې تر سره شي.

افغانستان کرېکټ بورډ وايي، چې تر دې لوبې وروسته به د سرېلانکا سره د درېيو نړۍوالو یو ورځنيو او درې نړۍوالو شل اوریزو لوبو لپاره به هم افغان لوبډلې اعلان شي.

راشد خان د پاکستان کرېکټ غوره لیګ (پي سي ایل) په تېرو دریو فصلونو کې یوازې د لاهور قلندر لوبډلې لپاره لوبېدلی او په ۲۰۲۲ او ۲۰۲۳ کې یاده لوبډله د پاکستان د کرېکټ غوره لیګ اتلولي هم ګټلې ده.

نوموړی د ۲۰۲۳ کال په ډیسمبر میاشت کې د لاهور قلندر لوبدلې له لوري په داسې حال کې له ځان سره د سپینو زرو په کټګورۍ کې وساتل شو چې هغوی پوهېدل، نوموړی به د ملا د عملیاتو له امله ورسره ګډون و نه لري. خو په راتلونکو فصلونو کې د دغې لوبډله سره د لوبېدو لپاره ساتل کیدای شي.

د کرېک اینفو د راپور له مخې راشد خان له هغه وروسته په رسمي توګه له یاد لیګ څخه وتلی چې په نومبر میاشت کې یې د ملا عملیات تر سره کړل او د خپلې روغتیا د ښه ساتلو لپاره احتیاط کوي. د دغې رسنۍ د معلوماتو له مخې لاهور قلندر لوبډله به د دوشنبې په ورځ د راشد خان پر ځای بل لوبغاړی په لوبډله کې له ځان سره خوندي کړي.

راشد خان د دې میاشتې په پیل کې له هندوستان سره د شل اوریزې لوبلړۍ په موخه یاد هیواد ته سفر وکړ خو د لوبو کولو لپاره وړ ونه ګڼل شو. له یادې لوبلړۍ څخه وړاندې له بیګ باش لیګ او د سوېلي افریقا لیګونو کې هم د نه لوبېدو پرېکړه کړې وه.

د افغانستان د ملي لوبډلې مشر روزونکي جانتن ټراټ ویلي: «زموږ لپاره مهمه ده چې باید ډاډ ترلاسه کړو او د راشد خان د روغتیا او لوبېدو لپاره ډیر احتیاط کوو.»