د اسټرالیا او سویلي کوریا د فوټبال ملي لوبډلو د جمعې په ماښام د قطر په الجنوب لوبغالي کې د ۲۰۲۳ اسیایي جام د لوبو په لړ کې سره مخامخ شول او سویلي کوریا دغه لوبه وګټله.
په دې لوبه کې سویلي کوریا له ټیم څخه سون هیونګ مین شه وځلیده. دغه هیواد لوبه ۱-۲ وګټله او نیمه پایلوبې ته یې لاره پیدا کړه. د سویلي کوریا لوبډله به په راتلونکې لوبه کې له اردن سره مخامخ شي.
په دې لوبه کې د اسټرالیا د ملي لوبډلي لوبغاړي ګاریت ګوډون لومړی ګول ووهه او د لوبې لومړۍ نیمايي وګټله. خو د سویلي کوریا لوبډلي بیا د لوبې په دوهمه نیمايي کې د یوې پینالټي په وهلو سره لوبه ۱-۱ مساوي کړه.
لوبه اضافي وخت ته لاړه د سویلي کوریا د ملي لوبډلې لوبغاړي، سون هیونګ مین په ۱۰۴مه دقیقه د یو ګول په وهلو سره، لوبه وګټله او لوبډلې یې نیمه پای لوبې ته یې لاره پیدا کړه.