د ایران د انرژۍ وزیر: که طالبان د هلمند د اوبو حق رانکړي، له نړیوالو حقونو به کار واخلو
د ایران د انرژۍ وزیر له خبریالانو سره په خبرو کې خبرداری ورکړی، چې که طالبان د ایران د اوبو حق ور نه کړي، هیواد به یې له نړیوالو حقونو څخه کار واخلي.
د ایران د انرژۍ وزیر له خبریالانو سره په خبرو کې خبرداری ورکړی، چې که طالبان د ایران د اوبو حق ور نه کړي، هیواد به یې له نړیوالو حقونو څخه کار واخلي.
علي اکبر محرابیان ، ټینګار کړی، چي د هلمند سیند کې د اوبو د برخې د اخیستو تعقیبول د «ایران حق دی او موږ به یې تل د لاسته راوړلو غوښتنه کوو.»
په ۱۳۵۱ کال کې ایران او افغانستان د هلمند پر سیند د ایران د برخي د معلومولو لپاره یو تړون لاسلیک کړ.
د ایران د انرژۍ وزیر وايي، چې د ۱۳۵۱ کال تړون نړۍوال دی او عملي کول یې اختیاري چاره نه ده.
هغه ویلي، چې که طالبان د ایران د حقونو د ورکولو په برخه کې په خپلو ژمنو عمل ونه کړي، دوی به له قانونی لارو چارو او نړیوالو حقونو څخه کار واخلي.
د ښاغلي محرابيان په خبره طالب چارواکي تل د دې د پاره، چې د ایران د اوبو پر برخې سترګي پټي کړي، په سېمه کې وچکالي او د اوبو کمښت بهانه کوي.
هغه همدا راز ویلي، چې طالب چارواکو ايران ته سفر پر مهال ژمنه کړې وه، چې هر څومره ژر چې شونې وي، د هلمند له سيند نه به د یران د اوبو برخه ورکوي.
د ایران د انرژۍ وزیر هیله څرګنده کړې، چې راتلونکي بارانونه به د د ې سبب شي چې ایران د هلمند له سینده د اوبو برخه لاس ته راوړي.
ایران په وار وار د طالبانو له خوا د ۱۳۵۱ کال د تړون د نه مراعاتیدو او د هلمند له سینده د اوبو د برخې د نه ترلاسه کولو په اړه انتقادونه کړي دي.
طالبان وايي، چې د وچکالۍ له امله د هلمند په سیند کې کافي اوبه نشته چې د ایران د اوبو برخه ورته ورسیږي.
د روان کال په زمري میاشت کې علي اکبر محرابیان د ایراني کارپوهانو له خوا د هلمند سیند د اوبو کچې تر اندازه کولو وروسته، منلې وه چې په افغانستان کې د وچکالۍ کچه جدي ده.
