د خوړو نړۍوال پروګرام: برېتانیا له افغانستان سره د ۳۶،۵ میلیونه ډالرو مرسته کوي
د خوړو نړۍوال پروګرام ویلي، چې برېتانیا په افغانستان کې له څه باندې دوو میلیونو کسانو سره ژمنۍ مرستې کوي.
د خوړو نړۍوال پروګرام ویلي، چې برېتانیا په افغانستان کې له څه باندې دوو میلیونو کسانو سره ژمنۍ مرستې کوي.
د ملګرو ملتونو د خوړو نړۍوال پروګرام د دوشنبې په ورځ (د سلواغې ۱۶مه) د یوې خبرپاڼې په خپرولو سره ویلي، چې د برېتانیا د ۳۶،۵ میلیونه ډالرو دغه مرستې به په افغانستان کې له اړمنو کورنیو سره د خوراکي توکو، د ماشومانو د خوارځواکۍ خوړو، امیندوارو او د شیدې ورکوونکو مېرمنو د درملنې په برخه کې ولګول شي.د منځني ختیځ او د سویلي اسیا لپاره د برېتانیا د بهرنیو چارو وزیر طارق احمد وایي: "د انګلستان دا وروستۍ مرستې به په سخت ژمي کې په ټول افغانستان کې څه باندې دوه میلیونه اړمنو کسانو ته ورسیږي."د یادې ادارې په خبره؛ له دغو مرستو څخه شاوخوا یو میلیون کسانو ته نغدې پیسې هم ورکول کیږي.د راپور له مخې؛ په ۲۰۲۳ کال کې د خوړو نړۍوال پروګرام توانېدلی چې له څه باندې ۱۸ میلیونه افغانانو سره مرسته وکړي.د یادې ادارې د راپور له مخې؛ برېتانیا له تېرو دوو کلونو راهیسې د خوړو د نړۍوال پروګرام له لارې له افغانستان سره د بشري مرستو په برخه کې د ۲۰۹ میلیون ډالرو مرسته کړې ده.پر افغانستان د طالبانو له واکمنېدو وروسته بېوزلۍ او وزګارتیا ډېری افغانان له اقتصادي اړخه ځپلي دي.سره له دې چې نړۍوالې مرستندویې ادارې د بودیجې د کمښت خبره کوي؛ خو په عین وخت کې په افغانستان کې د بشري ناورین خبرداری هم ورکوي.
