حماس: په غزه کې د وژل شویو فلسطینیانو شمېر له ۲۷ زرو څخه واوښت
د حماس د روغتیا وزارت اعلان وکړ، چې په غزې تړانګه کې د روانې جګړې له پیل راهیسې د وژل شویو فلسطینیانو شمېر ۲۷زره او ۴۷۸ تنو ته رسېدلی دی.
د حماس د روغتیا وزارت اعلان وکړ، چې په غزې تړانګه کې د روانې جګړې له پیل راهیسې د وژل شویو فلسطینیانو شمېر ۲۷زره او ۴۷۸ تنو ته رسېدلی دی.
د حماس د روغتیا وزارت نن دوشنبه (د فېبروري ۵مه) زیاته کړې، چې په غزه کې د نښتو په ترڅ کې لږ تر لږه ۶۶۸۳۵ کسان ټپیان شوي دي.
د غزې روغتیايي چارواکو د تېرې شنبې په ورځ ویلي، چې د اسراییل په هوايي بریدونو کې په رفح او دیر البلاح ښارونو کې ۱۸ فلسطینیان وژل شوي دي.
رفح ښار له مصر سره د غزې په سویلي پوله کې پروت دی او د حماس ډلې پر وړاندې د اسراییل د دفاعي ځواکونو له نژدې څلور میاشتنۍ جګړې وروسته د غزې د ۲،۳ میلیونه وګړو نیمایي برخه د نښتو له ویرې دغه ښار ته راغلي دي.
د اکتوبر په اوومه د حماس له خوا پر اسراییل تر خونکړي برید وروسته اسراییل پر غزې هوايي بریدونه او ځمکني عملیات پیل کړل.
د دغو عملیاتو له امله په سیمه کې پراخې جګړې پیل شوي دي. د امریکا متحده ایالاتو د جمعې په ورځ په عراق او سوریه کې د ایران پلوه ملېشو له خوا د امریکايي ځواکونو پر اډه د شوي برید، غچ اخیستل وو.
