د قزاقستان د ولسمشرۍ دفتر مشر د دغه هېواد د نوي لومړي وزیر په توګه وټاکل شو

د ترکیې کورنیو چارو وزیر په وینا په برید کوونکو کې یوه ښځه وه.

د ترکیې کورنیو چارو وزیر په خپله اېکس پاڼه لیکلي چې برید د سې شنبې په ورځ (سلواغې۱۷مه ) د سهار په ۱۱ بجو او ۴۶ دقیقو د چاګلایان د محکمې د پلټنې په دروازه کې شوی دی.

هغه زياته کړه، چې د پوليسو او بريدګرو ترمنځ د نښتې په پايله کې د درېيو پولیسو په ګډون شپږ ولسي کسان ټپيان شوي دي.

علي یرلیکایا لیکلي چې وژل شوي بریدګر د خلکو د انقلابي ازادۍ جبهې د «ترهګرۍ» سازمان غړي وو.

تر اوسه کومې ډلې د دغه برید مسوولیت نه دی منلی.
​

خرسون او شاوخوا سیمې یې د روسیې د پرلپسې بریدونو لاندې راغلي، چې د ورځې په اوږدو کې د بې شمېره بریدونو خبرتیاوې په سیمه کې خپرې شوې دي. روسي ځواکونه د نیپرو سیند په ختیځه څنډه کې د اشغال شویو سیمو څخه خرسون په نښه کوي.

د سیمې څخه خپرې شوې ویډیوګانې ښيي، چې په برید کې یو موټر په بشپړ ډول سوځیدلی او دوه کسان پکې وژل شوي دي.

په برید کې یوه ۶۶ کلنه مېرمن هم وژل شوې او یو سړي د ژورو ټپونو له امله روغتون کې څاه ورکړې ده.

پر اوکراین د روسیې له برید نږدې دوه کاله کیږي او اوس روسیه د دغه د هېواد په ختیځ او سویل کې پراخې سیمې په خپل واک کې لري؛ خو د جنګ لومړۍ کرښه له ډېر وخت راهیسې په خپل ځای ده او دواړو هېوادونو کوم خاص پرمختګ نه دی کړی.

د طالبانو تر کنټرول لاندې باختر خبري اژانس د عثماني له قوله ویلي، چې د افغانستان ګروندګر لا زیاتو مرستو او ملاتړ ته اړتیا لري او د دې لپاره چې پر پښو ودریږي لاسنیوی یې وشي.

عثماني ادعا کړې، چې د طالبانو له خوا د نشه یي توکو کرل بند شوي او دا چې خلکو د حلالو محصولاتو کرلو ته مخه کړې ده.

هغه زیاته کړې:“نو اړتیا ده چې دې د دې هېواد له بزګرو سره مرستې وشي چې له بېوزلۍ او ستونزو خلاص شي."

خلیل ابراهیم له افغان بزګرو او مالدارانو سره د بشري مرستو د دوام او زیاتوالي خبر ورکړی.

تمه کېږي، چې بلېنکن به د مصر، قطر او اسراییل څخه هم لیدنه وکړي.

په دې سفر کې د امریکا د بهرنیو چارو د وزیر د ماموریت یوه برخه له حماس سره د قطري او مصري منځګړو ترمنځ د خبرو ګړندۍ کول دي، چې د حماس د یرغمل شویو برخلیک په اړه یوې هوکړې ته ورسیږي.

ټاکل شوې، چې بلېنکن به په ریاض کې د سعودي له ولیعهد محمد بن سلمان او د بهرنیو چارو له وزیر شهزاده فیصل بن فرحان ال سعود سره وګوري.

منځني ختيځ ته د ښاغلي بلېنکن سفر په داسې حال کې کېږي، چې د پخوانيو امریکايي ډېپلوماټانو په وینا منځنی ختیځ په تېرو څو لسیزو کې په خورا خطرناک حالت کې دی.

په عراق او سوریه کې د امریکا پر پوځي اډو د ایراني ملاتړو ډلو له بریدونو او همدارنګه په یمن کې د حوثيانو له خوا په سور سمندرګي کې پر سوداګریزو کښتیو د بریدونو په دوام د غزې جګړې لمن پراخه کړې.

د حماس د روغتیا وزارت نن دوشنبه (د فېبروري ۵مه) زیاته کړې، چې په غزه کې د نښتو په ترڅ کې لږ تر لږه ۶۶۸۳۵ کسان ټپیان شوي دي.

د غزې روغتیايي چارواکو د تېرې شنبې په ورځ ویلي، چې د اسراییل په هوايي بریدونو کې په رفح او دیر البلاح ښارونو کې ۱۸ فلسطینیان وژل شوي دي.

رفح ښار له مصر سره د غزې په سویلي پوله کې پروت دی او د حماس ډلې پر وړاندې د اسراییل د دفاعي ځواکونو له نژدې څلور میاشتنۍ جګړې وروسته د غزې د ۲،۳ میلیونه وګړو نیمایي برخه د نښتو له ویرې دغه ښار ته راغلي دي.

د اکتوبر په اوومه د حماس له خوا پر اسراییل تر خونکړي برید وروسته اسراییل پر غزې هوايي بریدونه او ځمکني عملیات پیل کړل.

د دغو عملیاتو له امله په سیمه کې پراخې جګړې پیل شوي دي. د امریکا متحده ایالاتو د جمعې په ورځ په عراق او سوریه کې د ایران پلوه ملېشو له خوا د امریکايي ځواکونو پر اډه د شوي برید، غچ اخیستل وو.