د پښتون ژغورنې غورځنګ غړي وايي، چې هغه نن ماخوستن د اټک له زندانه له دوو مياشتو بند وروسته خوشې شو. د منظور پلويانو له زندانه د هغه د راخوشې کېدو پر مهال له نوموړي سره تصويرونه هم اخيستي او په ټولنیزو رسنیو کې یې خپاره کړي دي.
د چهار شنبې ماخوستن ناوخته د پښتون ژغورنې غورځنګ غړو او پلويانو له زندانه د هغه د خوشې کېدو خبر ورکړ.
منظور ته نږدې سرچينې وايي، چې د لاهور محکمې قاضي د نوموړي د دوسيې د ختمولو حکم وکړ او نن چهارشنبه ماخستن ناوخته له اټک زندانه ازاد شو.
د منظور پلويانو پر ټولنیزو رسنيو له زندانه د هغه د خوشې کېدو تصويرونه هم نشر کړي دي.
منظور پښتین د ۲۰۲۳ کال د ډسمبر مياشتي په ۴مه نېټه په جنوبي پښتونخوا کې د پاکستاني پوځيانو له لوري لومړي پر موټر ډزې وشوې او وروسته يې هغه ونيوه.
څه باندي يوه مياشت مخکي د روان عيسوي کال په ۴مه نېټه د اسلام اباد د ترهګرۍ ضد محکمې د منظور په څلورمه دوسيه کې ضمانت ومانه، چې د زندانه د خوشي کېدو پر مهال د پنجاب پوليسو هغه بيا ونیوه او زندان ته يې انتقال کړ.
پښيتن له څه باندي دوو مياشتو بند وروسته نن ازاد شو.
د منظور پښتین د خوشې کېدو لپاره د غورځنګ غړو او د هغه پلويانو په پاکستان کې دننه او بهر لاريونونه وکړل او د هغه د خوشې کېدو غوښتنه يې کوله.
