د طالبانو د بهرنیو چارو وزیر په کابل کې د ازبکستان له سفیر سره لیدنه کې افغان سوداګرو ته د دغه هېواد د ویزو د اسانولو غوښتنه وکړه. امیرخان متقي وایي، که افغان سوداګرو او موټر چلوونکو ته پر وخت ویزې ورکړل شي، په دوه اړخیزه سوداګرۍ کې به اړین پرمختګ رامنځته شي.
د طالبانو بهرنیو چارو وزارت مرستیال ویاند حافظ ضیاء احمد تکل نن په خپل اېکس کې زیاتوي، ښاغلي متقي او خواجه یادګار شادمانوف «په لوړه کچه د پلاوو پر تګ راتګ، دوه اړخیزه سوداګرۍ او له قرارداد سره سم افغانستان ته د وارداتي برېښنا پر لېږد خبرې وکړې.»سره له دې چې ازبکستان هم د نورو هیوادونو په شان د طالبانو اداره په رسمیت نه پيژني، خو د دواړو هیوادونو ترمنځ په بیلابیلو برخو په ځانګړې توګه د سوداګرۍ په برخه کې اړیکې پراخې شوې دي.
دې وروستیو کې ازبکستان افغان سفارت هم د طالبانو نوي ډيپلوماټ او د طالبانو د کانونو او پټرولیم د وزیر شهاب الدین دلاور زوی مغفورالله شهاب ته وسپاره.
د طالبانو د صنعت او سوداګرۍ وزارت چارواکو هم څو موده مخکې ویلي و، چې په ۲۰۲۳ کال کې افغانستان ازبکستان ته د ۲۷ میلیونه ډالرو صادرات او له دغه هېواد څخه د ۲۳۹ میلیونه ډالرو په ارزښت واردات کړي دي.
ازبکستان ته له افغانستانه وچه میوه، جوس، زرد الو، کونځلې او قالینې صادرېږي او افغانستان ته بیا له دغه هیواد برېښنا، اوړه، لوبیا، کیمیاوي سره، تیل او ګاز واردېږي.
دغه سرتېری شفیق د لعل جان زوی د پکتیا د پټان ولسوالۍ د څپرې کلي اوسیدونکی و. د شفیق جسد د سې شنبې په ورځ د څمکنيو ولسوالۍ اړوند د سلطانګۍ راغه کلي کې موندل شوی دی.
د شفیق له جسد څخه څرګندیږي چې لومړۍ شکنجه شوی او بیا وژل شوی دی. سرچینه وایي نوموړي له چاسره شخصي دښمني نه لرله.
د سرچینې له قوله، طالبانو څو میاشتې مخکې د شفیق په ورور چې د تېر حکومت سرتېری و هم حمله کړې وه. د شفیق پلار هم د تېر حکومت نظامي و، چې په تېر نظام کې شهید شو.
یوناما په کراتو ویلي، طالبانو په بېلابېلو ولایتونو کې د تېر حکومت مامورین او سرتېري نیولي، شکنجه کړي او وژلي دي.