د ایران ولسمشر: په سیمه کې د امریکا پوځي حضور امنیت ګډوډوي
د ایران ولسمشر ابراهیم ريیسي په منځني ختیځ کې روان کړکېچ ته په اشارې سره وايي، چې په سیمه کې د امریکا د فوځي ځواکونو موجودیت د توجیه وړ نه دی.
د ایران ولسمشر ابراهیم ريیسي په منځني ختیځ کې روان کړکېچ ته په اشارې سره وايي، چې په سیمه کې د امریکا د فوځي ځواکونو موجودیت د توجیه وړ نه دی.
ابراهیم رییسي نن د چهارشنبې په ورځ (د سلواغې ۱۸مه) په تهران کې د بهرنیو هېوادونو د سفیرانو له یوې ډلې سره لیدلي او د سیمې پر وضعیت یې خبرې کړي دي.
نوموړي په دغه کتنه کې وویل: "موږ په دې باور یو چې په عراق، سوریه، افغانستان او سیمه کې د امریکا حضور په هیڅ صورت له امنیت سره مرسته نه کوي، بلکې امنیت ته ګواښ دی."
هغه امریکا او لویدیځو هېوادونو ته د فلسطین د راتلونکي په اړه د پرېکړو پر وړاندې خبرداری ورکړ او ټینګار یې وکړ چې دا مساله باید د فلسطینانو ته پریږدي.
د امریکا د بهرنیو چارو وزیر دا مهال منځني ختیځ ته په سفر تللی او د یوه خپلواک فلسطین پر جوړېدو یې د سیمې له هېوادونو سره خبرې کړي دي.
