د ترکیې د کورنیو چارو وزیر علي یرلیکایا وايي، په استانبول کې د شنبې په ورځ استانبول کې د واکمن ګوند د ښاروالۍ د ټاکنو د کمپاین پر مهال په وسله وال برید کې یوه ښځه ټپي شوې ده.
ښاغلي یرلیکایا په اېکس ټولنیزې شبکې په یوه پیغام کې ویلي، پېښه د ښار په سویل لویدیز کوچوک چیکمجه سیمه کې رامینځته شوی چې په اړه یې څیړنې پیل شوي دي.
په دغه پیښه کې، برید کوونکو د ټوپک او تومانچې ډزې کړي خو د هغوی د هویت او د دې کار انګېزې په اړه نور جزییات نه دي په ډاګه شوي.
د ترکیې ولسمشر رجب طیب اردوغان هم په اېکس ټولنیزې شبکې د یوه پیغام په خپرولو دغه برید په کلکو ټکو غندلی دی.
اردغان ویلي: «زموږ پر دیموکراسۍ، اتحاد او پیوستون هېڅ برید نه شي بریالی کیدلی.»
ټاکل شوې چې په ترکیه کې د مارچ په ۳۱ نېټه د ښاروالۍ ټاکنې ترسره شي.
