د پاکستان د ټاکنو کمېسون د مالوماتو له مخې، ملي ډیموکراټیک غورځنګ مشر او له شمالي وزیرستان پارلمان تو نوماند محسن داوړ د قامي اسمبلۍ څوکۍ وبایلله. محسن داوړ چې نن ټپي شوی، پرون یې ویل، په دې ټاکنو کې تر نورو نوماندانو مخکښ دی، خو د نتایجو د بدلولو هڅه کېږي.
نوموړي نن هم خپل اېکس کې لیکلي و چې د اېن اې ۴۰ حوزې اړوند د ځینې رایې مرکزونو کارمنان نه پوهېږي او خدای پوهېږي چې دوی به څه نتیجه را باسي.
هغه دا هم لیکلي و چې په پي کې ۱۰۴ حوزه کې درغلۍ بریالۍ شوې او یو اقبال وزیر چې له ټولو یې کمې رایې ګټلې وې په ۲۴ زره رایو سره ګټونکی شو.
محسن دوړ ورته تور پرون هم لګولی و او نن یې د خپلې حوزې د پایلو د ځنډېدو پرضد احتجاج کاوه، چې د پوځي مرکز مخ ته ډزې پرې وشوې.
ویل کېږي په دې برید کې د نوموړي څلور ملګري هم ټپیان شوي او روغتون ته لېږدول شوي دي.
تر اوسه د برید مسوولیت کومې ډلې نه دی منلی.
محسن داوړ تېر پارلمان کې د بهرنیو اړیکو د کمېټې مشر و.
کرېس کونز او اولاف شولز دواړو د اېکس په خواله رسنۍ کې د خپلو انځورونو په خپرولو سره په ټوکو لیکلي چې «څوک، څوک دی؟»
د جرمني لومړی وزیر او امریکایي سناتور نه یوازې دا چې په څېره کې سره یو بل ته ورته دي؛ بلکې د دواړو عمرونه هم د ۶۰ او ۶۵ کلونو تر منځ دي او چندانې توپیر سره نه لري. د دې تر څنګ د دواړو ونې هم په یوه اندازه دي.
اولاف شولز هم د کرېس کونز سره اخیستل شوی انځور په اېکس پاڼه خپور کړی او ورسره لیکلي یې دي، چې خپل همزولی یې یو ځلې بیا وموند.
د جرمني لومړی وزیر امریکا ته تللی، چې له جوبایډن او د امریکا له یو شمېر نورو لوړ پوړو چارواکو سره وویني.
هغه به د دغه سفر په ترڅ کې هڅه وکړي امریکا وهڅوي، چې له اوکراین سره مرسته وکړي او د دغو مرستو په رسولو کې د ناغېړۍ له امله هم هغه هېواد ته خبرداری ورکړي.