د یمن حوثيانو د امریکا او بریتانیا په هوایي بریدونو کې د ووژل شویو جنازې خاورو ته وسپارلې

حوثي وسله والو د نومبر له ۱۹ نېټې راهیسې په سوداګریزو بیړیو د بې پیلوټه الوتکو او توغندیو بریدونو څپې پیل کړي، هغه څه چې د دوی په وینا په غزه کې د اسراییل د پوځي عملیاتو په ځواب کې ترسره کیږي. بریتانیا او متحده ایالاتو تېره میاشت د دغو بریدونو په غبرګون کې د حوثي وسله والو پر مرکزونو بریدونه کړي وو.

د حوثي وسله والو تر کنټرول لاندې سبا خبري اژانس د جنازې مراسمو د پوښښ په اړه یوه مطلب کې لیکلي: «دا جنایتونه به د یمن خلک د غزې په تړانګه کې د خپلو وروڼو له ملاتړه پر شا نکړي.»
په یمن کې د حوثي وسله والو پر مرکزونو د هوایي بریدونو ترڅنګ، متحده ایالاتو او بریتانیا دغه ډله بیرته د تروریستي ډلو په لېست کې شامله کړې ده.

پر سوداګریزو بیړیو د حوثیانو بریدونو نړۍوال تجارت تر اغیز لاندې راوستی او ځینې کمپنۍ یې دې ته مجبوره کړي چې د سره سمندرګي له لارې د توکو انتقال وځڼډوي او پر ځای یې د افریقا شاو خوا خورا ګرانه او اوږده لار غوره کړي.