اسراییل وايي، حماس په غزه کې د ملګرو ملتونو تر مرکزي دفتر لاندې د قوماندې یو تونل درلوده

د ځمکې ښویېدنې پېښه د سې شنبې په شپه د داواو دي اورو ولایت په ماکو ښارګوټي کې د سرو زرو کان ته نږدې رامنځته شوې وه، چې له امله یې کورونه او هغه موټرونه د خاورو او خټو لاندې ښخ شوي وو، چې د کان کارکوونکې یې سیمې ته لیږدول.‌

د داواو دي اورو ولایتي ادارې په یوه فیسبوکي پوسټ کې ویلي، چې د ځمکې ښویېدنې له امله د مړو شویو کسانو شمېر ۵۴ ته رسېدلی.

تر دې وړاندې د مړو شویو کسانو شمېر ۳۷ ښودل شوی و؛ خو د ژغورنې کارکوونکو وروسته بیا نور مړي هم موندلي دي.

په دې پېښه کې د لادرکه شویو کسانو شمېر هم ۶۳ تنو ته رسېدلی دی. په همدې حال کې د ځمکې ښویېدنې له امله ټولټال ۳۲ تنه ټپیان شوي هم دي.

د داواو دي اورو ولایت یو چارواکي اډوارډ مکاپيلي ویلي، چې د ژغورنې په عملیاتو کې تر ۳۰۰ ډېر کسان برخه لري؛ خو د سختو بارانونو، خټو او د ځمکې د ښویېدو د ګواښ له امله عملیات له خنډ سره مخامخ دي.

ماکاپیلي زیاته کړې، چې د ژغورنې عملیات د یکشنبې په سهار بیا پیل شوي دي.

د دغه فرمان له مخې؛ ټول نارینه، چې عمرونه یې د ۱۸ او ۳۵ کلونو تر منځ دي او ښځې چې عمرونه یې د ۱۸ او ۲۷ کلونو ترمنځ دي باید تر دوو کلونو پورې په پوځ کې دنده ترسره کړي.

د میانمار دولتي رسنیو د شنبې په ورځ راپور ورکړ، چې د بېړني حالت د اعلان په صورت کې به پوځي خدمت تر پنځو کلونو پورې وغځول شي.

د حکومت نظامي ویاند زاو مین تون دولتي رسنيو ته وويل: « د ملت د ساتنې او دفاع په دنده کې د سرتېرو تر څنګ ټول اتباع شامل دي.»

میانمار له ۲۰۲۱ کال راهیسې، چې پوځ د یوې کودتا په پایله کې واک په لاس کې واخیست د ګډوډۍ سره مخ و.

د میانمار د دولتي رسنیو په خبره دا حکم په داسې حال کې صادر شوی، چې پوځي حکومت هڅه کوي د هغو وسله والو مخه ونیسي، چې د هېواد په بېلابېلو برخو کې په خپلسري ډول جنګیږي.

په پوځي خدمت کې د خبري شموليت قانون په ۲۰۱۰ کال کې نافذ شو؛ خو تر اوسه نه دی پلی شوی.

د دغه قانون له مخې د دغه قانون له احکامو سرغړونه تر پنځو کلونو پورې د بند سزا ده.

د جرمني د بهرنیو چارو وزارت د یکشنبې په ورځ (د سلواغې ۲۲مه) په یوه خبرپاڼه کې زیاته کړه، چې په کابل کې د دغه هېواد سفارت او په مزار شریف کې د دې هېواد د نمایندګۍ دفتر د دغو خطرونو له امله تړل شوی دی.

دغې خبرپاڼې په افغانستان کې له جرمني اتباعو غوښتي، چې په عامه او ګڼه ګوڼه ځایونو کې له احتیاط څخه کار واخلي او په مظاهرو او لویو غونډو کې ګډون ونه کړي.

په خبرپاڼه کې ټینګار شوی، چې په افغانستان کې امنیتي وضعیت لا هم ښه نه دی او له بشري حقونو د سرغړونو راپورونه شته او طالب جنګیالي پر پخوانیو امنیتي ځواکونو بریدونه کوي.

د جرمني د بهرنيو چارو وزارت په خپله خبرپاڼه کې ليکلي، چې په ټول هېواد کې د افغانانو او د بهرنيو هېوادونو د اتباعو پر وړاندې وژنې، غلاوې او د تښتونې پېښې شوې دي.

دغه وزارت دا اندېښنه هم څرګنده کړې، چې جرمني اتباع لا له وړاندې د افغانستان له حالاتو اغېزمن شوي دي.

د خبرپاڼې له مخې؛ جرمني اتباع بايد د ښوونځيو، جوماتونو، هوايي ډګرونو او د بسونو د تم ځايونو په ګډون د طالبانو په ودانيو کې له احتياطه کار واخلي.

د دغه وزارت په خبرپاڼه کې د افغانستان د اقلیم، ساري ناروغیو او په دغه هېواد کې د همجنسبازانو ته د ګواښ په اړه هم اندېښنه ښودل شوې ده.

تر دې مخکې امریکا، بریتانیا او چین هم له خپلو اتباعو غوښتي وو چې په افغانستان کې د خراب امنیتي وضعیت له امله دې هېواد ته له سفر کولو ډډه وکړي.
​

وروستۍ پایلې د پنجشنبې په ورځ د ټاکنو کې د رایې ورکولو له پای ته رسیدو ۶۰ ساعته وروسته خپرې شوې.

دغه ځنډ په پاکستان کې له پراخو نیوکو سره مخ شو.

د مسلم لیګ نواز شریف په قومي اسمبلۍ کې ۷۵ څوکۍ ګټلې دي. نواز شریف اعلان وکړ چې ګوند یې له نورو ګوندونو او ډلو سره د ایتلافي حکومت د جوړولو په اړه خبرې کوي. ځکه هیڅ ګوند نه دی توانیدلی چې په قومي اسمبلۍ کې غوڅ اکثریت وګټي.

د پاکستان د پیپلز ګوند مشر بلاول بوټو چې درېیمې درجه زیاتې رایې یې ترلاسه کړې، ویلي دي چې د ده د ګوند استازي د عمران خان له تحریک انصاف ګوند یا د نواز شریف له مسلم لیګ ګوند سره د حکومت د جوړولو پر سر کومې رسمي خبرې نه دي کړي.

د عمران خان تحریک انصاف ګوند ګواښ کړی و، چې که په یوه شپه کې د رایو شمېرنه اعلان نه شي، د یکشنبې په ورځ به په ټول هېواد کې د ټاکنو کمېسیون د دفترونو مخې ته سوله ییز لاریونونه وکړي. تېره شپه په ځینو ښارونو کې وړې مظاهرې وشوې.

د پاکستان موقت حکومت وايي، د رايې اچونې په ورځ د انټرنېټ او موبايل خدمتونو د بندېدو له امله د پايلو د اعلان بهير ځنډېدلی دی.

د انټرنېټ او موبايل خدمتونو بندېدل، چې د موقت حکومت د کورنيو چارو وزارت په وينا امنيتي لاملونه يې لرل، په دې وروستيو ورځو کې د بشري حقونو د سازمانونو او د امريکا متحدو ايالتونو له خوا په پراخه کچه نيوکې شوې دي.

د دغه رپوټ له مخې دغه پوسته د زاهدان – بام اورګاډي کرښې ته څېرمه موقعیت لري.

دغه خبري اژانس چې سپاه پاسداران ته نږدې دی، د یکشنبې په ورځ ( سلواغې په ۲۲ مه) په خپل رپوټ کې دغه دوه کسان محمدانور ګمشادزهي او عبدالحسین بلوچ یاد کړي دي.

تر اوسه کوم کس یا ډلې پر دې کسانو د بریدونو مسوولیت پر غاړه نه دی اخیستی.

د ایران سیستان بلوچستان ولایت په وروستیو میاشتو کې د څو وسله والو بریدونو شاهد دی.

څه موده وړاندي په يوه تازه پېشه کې د جيش العدل وسله والو د دغه ولایت په راسک ښار کې پر پوليسو بريد وکړ، چې له کبله يې د ایران ۱۲ پوليس ووژل شول.