د طالبانو د صنعت او تجارت وزیر وايي، ایرانیانو ته په افغانستان کې سهولتونه ډېر شوي او اوس دوی د افغانانو په څېر په افغانستان کې پانګونه کولی او هر ډول چانسونه کارولی شي. نور الدین عزیزي دا خبرې نن په کابل کې د ایران له سوداګریز پلاوي سره په لیدنه کې کړې دي.
نوموړي دا هم ویلي چې په افغانستان کې د طالبانو واکمنېدو سره د ایران او طالانو ترمنځ د سوداګري دز یاتوالي شرایط برابر شوي دي.
د هغه په خبره، له ایران سره د ګډې سوداګۍ د ودې لپاره د طالبانو یوه لویه او واکواله یا با صلاحیته ډله کار کوي.
د ایران د خراسان رضوي ولایت د اقتصادي چارو د همغګر ابوالفضل چندي په مشرۍ په دغه پلاوي کې د خصوصي او دولتي سکتور غړي ګډون لری.
طالبان د ښاغلي چمندي په حواله وايي، دوی د دې معلوماتو د ترلاسولو لپاره افغانستان ته راغلي چې ایران ته د ملا برادر په سفر کې د شویو هوکړو له مخې څومره پرمختګ شوی دی.
دغه پلاوي ویلي چې د همغو هوکړو له مخې ګام په ګام حرکت کول غواړي.
ملا برادر څو میاشتې مخکې ایران ته په تلو سره د سوداګرۍ په برخه کې ۲۵ تړونونه لاسلیک کړل.
