د افغانستان کرېکټ بورډ نن خبر ورکړ، چې اېرلنډ لوبډله متحده عربي امارتو ته رسېدلې، چې له افغان کرېکټ لوبډلې سره د ۷ سیالیو لوبلړۍ ولوبوي. د افغانستان کرېکټ بورډ د معلوماتو له مخی، افغانستان او اېرلنډ يوه ټېسټ، درې یو ورځنۍ او درې شل اوريزه لوبي سره کوي.
دافغانستان او اېرلینډ کرېکټ لوبډلو تر منځ د ټېسټ، یو ورځنیو او شل اوریزو لوبو لوبلړۍ راتلونکې چهار شنبه په متحده عربي اماراتو کې پیلېږي.
دغه لوبې به د روانې فبرورۍ په ۲۸ مه پيل او د مارچ مياشتې تر ۱۸ مې نېټې به په شارجه نړیوال کرېکټ لوبغالي دوام وکړي.
دا لومړۍ ځل دی، چې افغانستان او اېرلنډ لوبډلې د ۷ لوبو په اوږده لوبلړۍ کې د يو د بل سره مخ کېږي.
دا په داسې حال کې ده، چې د افغانستان او سریلانکا تر منځ لوبلړۍ چې تېره اونۍ پای ته ورسېدله افغانستان له ۷ سیالیو څخه ۶ سر په سر وبایللې.
په دغه غوره لیګ سیالیو کې ام البلاد، سپین غر، نښتر او پامیر لوبډلې په الف ګروپ کې او بالاحصار، بُست، هندوکش او نګین هریوا لوبډلې په ب گروپ کې شاملې وې، چې پايلوبې ته يې د ام البلاد او بست لوبډلو لار پیدا کړه.
د پایلوبې په پاي کې ام البلاد لوبډلې خپلې سيالې بست لوبډلې ته د ۰/۳ ميدانونو په توپير ماتې ورکړه او اتلولي يې خپله کړه.
په دغو سیالیو کې د سپین غر لوبډلې درېیم مقام وګاټه.
د دغو سیالیو په پایلوبه کې د چارواکو ترڅنګ ګڼو نندارچیانو هم ګډون کړی و.
د دغو سياليو د ترسراوي په اړه د واليبال ملي فدراسيون سکرتر جنرال محمد ناصر نوري وويل:« له پيل څخه تر اوسه پورې غوره ليگ ډېر ښه روان و او په ښه توګه پای ته ورسېد. د ملي لوبغاړو تر څنګ ځوان لوبغاړي ډېر ښه ولوبېدل، چې دا د واليبال راتلونکې لپاره ښه خبره ده. د دغه غوره ليګ غوره لوبغاړي، چې له ځانه يې وړتيا ښودلی، په راتلونکې کې به د ملي لوبډلې برخه وي.»
د دغو سیالیو غوره لوبغاړی له ام البلاد لوبډلې څخه نصير احمد کوهستاني ونومول شو.
دغه سيالۍ، چې ۸ ورځې يې دوام وکړ، موخه يې ملي لوبډلې ته د غوره لوبغاړو موندل وو.
د سياليو د پای په مراسمو کې اتلې لوبډلې ته د اتلولۍ جام د لومړي، دويم او درېيم مقام گټونکو لوبډلو لوبغاړو ته مډالونه او غوره لوبغاړو ته بېلابېلې چمتو شوې ډالۍ ورکړل شوې.