د افغانستان د کراټې کډوالو لوبغاړو د کسپین د نړۍوال جام سیالیو په دویم پړاو کې دویم مقام وګاټه. د افغانستان لوبډلې چې دغو سیالیو کې یې د پنځو کټګوریو سره ګډون لاره، دوه د سرو زور، درې د سپینو زرو او اووه د برنزو مډالونو په ګټلو سره یې له ایران وروسته دویم مقام خپل کړ.
دغه سیالۍ د کب په ۶مه او ۷مه د ۵۰۰ لوبغاړو په ګډون د اذربایجان، پاکستان، افغانستان، عراق، هندوستان، ارمنستان، سریلانکا او شلو نورو لوبډلو ترمنځ د ایران د تهران په شهرستان شهریار کې ترسره شوې.د افغانستان د کراټې ښځینه لوبغاړو ډله هم د ۱۵ لوبغاړو او دوه روزونکو (سکینه براتي او پریا رحماني) په برخه اخیستنې په دغو سیالیو کې ګډون کړی و او وتوانېدې، چې له ایران وروسته دویم مقام خپل کړي.په دغو سیالیو کې عراق درېیم ځای خپل کړی دی.د افغانستان په استازیتوب هانیه محمدي او شیرین حسیني د سرو زرو مډال شکیلا زواري، مطهره سادات حسیني او نازنین زهرا حسیني د سپین زرو مډال نرګس رضایي، محدثه خاوري، هانیه سادات حسیني، کوثر سادات حسیني، فایزه محمدي، معصومه حسیني او عزیزه محمدي د برونزو مډالونه ګټلي دي.
د طالبانو د ورزش او بدنې رونې ادارې نن دوشنبه په خوست کې د دې سياليو د ترسره کېدو خبر ورکړی.
په دې يو ورځنۍ سيالۍ کې کوربه خوست لوبډلې د ۱۴ برياو په ترلاسه کولو لومړۍ، ننګرهار په دوو برياو سره دویم او کابل لوبډلې د يوې بريا په ترلاسه کولو درېیم مقام ګټلی.
د ادارې د معلوماتو له مخې، چې د سياليو څخه يې موخه د غوره لوبغاړو ټاکل دي.
مسوولين وايي؛ غواړی د ایران د سوکيوکشين کراټې په سياليو کې د ګډون لپاره منتخبه افغان لوبډله وټاکي.
طالبانو برياليو لوبغاړو ته ورزشي جايزې هم ورکړې.
