په میدان وردک کې د ۱۵ لوبغاړو ترمنځ د سکي ژمنۍ سیالۍ ترسره شوې
د طالبانو تر کنټرول لاندې د المپیک ملي کمیټې او سپورت عمومي ریاست په اېکس پاڼه راغلي، چې د ميدان وردک ولایت په بهسودو ولسوالۍ کې د ۱۵ لوبغاړو ترمنځ د سکي ژمنۍ سيالۍ ترسره شوې.
د طالبانو تر کنټرول لاندې د المپیک ملي کمیټې او سپورت عمومي ریاست په اېکس پاڼه راغلي، چې د ميدان وردک ولایت په بهسودو ولسوالۍ کې د ۱۵ لوبغاړو ترمنځ د سکي ژمنۍ سيالۍ ترسره شوې.
دغه ریاست کاږلي، چې د ميدان وردک ولايت د بدني روزنې او سپورټ امريت اړوند د سکي ملي فدراسيون د استازولۍ له لوري دغه سيالۍ ترسره شوې.دغه سيالۍ، چې يوه ورځ يې دوام وکړ، موخه يې سکي لوبې ته وده ورکول او د لوبغاړو ترمنځ يووالی ښودل شوی.تمه کېږي، چې څو ورځې وروسته به په باميانو ولايت کې هم د سکي ملي سيالۍ پيل شي.په تېر کې د افغانستان د سکي فدراسیون په همغږۍ به افغان لوبغاړي ګاونډیو هېوادونو ته د سیالیو لپاره ورتلل؛ ترڅو په نړۍواله کچه سیالیو ته چمتو شي.د سکي لوبې قانون د نورو لوبو خلاف د نومرو راکمول دي. د سکي نړۍوال سازمان هر لوبغاړي ته په سر کې ۹۹۹ نمرې ورکوي چې هر لوبغاړی به د دې هڅه کوي چې په خپلو فعالیتونو سره دغه نمرې لږ تر لږه تر ۳۰۰ پورې راټیټې کړي؛ تر څو المپیکي لوبو ته لار ومومي.
د طالبانو د ورزش او بدنې رونې ادارې نن دوشنبه په خوست کې د دې سياليو د ترسره کېدو خبر ورکړی.
په دې يو ورځنۍ سيالۍ کې کوربه خوست لوبډلې د ۱۴ برياو په ترلاسه کولو لومړۍ، ننګرهار په دوو برياو سره دویم او کابل لوبډلې د يوې بريا په ترلاسه کولو درېیم مقام ګټلی.
د ادارې د معلوماتو له مخې، چې د سياليو څخه يې موخه د غوره لوبغاړو ټاکل دي.
مسوولين وايي؛ غواړی د ایران د سوکيوکشين کراټې په سياليو کې د ګډون لپاره منتخبه افغان لوبډله وټاکي.
طالبانو برياليو لوبغاړو ته ورزشي جايزې هم ورکړې.
