د پاکستان کرېکټ غوره لیګ د نهم پړاو سيالیو کې نن د اسلام اباد یوناټيټېډ او کوټې کلېډيېټرز او پېښور زلمي او لاهور قلندر ترمنځ لوبې د زيات ورښت له کبله ونه شوې. دواړه سيالۍ لغوه اعلان شوې او هرې لوبډلې ته يوه يوه نمره ور کول شوه.
ټاکلې وه چې دا لوبې د پاکستان پلازمېنې ته څېرمه په راولپنډۍ لوبغالي کې وشي، خو له پرون راهیسې دا اندېښنه وه چې دا لوبې به د ورښت له امله ونه شي.
د پاکستان کرېکټ بورډ د معلوماتو له مخي، په اسلام باد کې د زيات باران له امله په لوبغالي کې زیاتې اوبه وې او د لوبو امکان نه و.
سبا یکشنبه به د پاکستان د غوره لیګ په سياليو کې کراچي کېنګز لوبډله د ملتان سلطانز لوبډلې سره خپل بخت ازمويي.
پاکستان کې له څو ورځو پیل شوی ورښت له جمعې ورځې راهیسې لا پسې زیات شوی دی.
د دې ورښت له امله یوازې پښتونخوا کې تر ۲۱ کسان مړه شوي دی.
دغه خبرپاڼه پرون ناوخته خپره شوې او په کې راغلي، چې دغه بریدونه د خیبر پښتونخوا په ډېره اسماعیل خان، ټانک، سویلي وزیرستان، بنو، لکي مروت، شمالي وزیرستان، پېښور، مردان، ملاکنډ، باجوړ، بونیر، لوی دېر، چمن، پښین او قلعه عبدالله کې ترسره شوي دي.
په خبرپاڼه کې د دغو عملیاتو د بڼې په اړه هم راغلي، چې دغې ډلې د دغو عملیاتو په لړ کې د پاکستان پر پوځ ۱۴ ځوابي بریدونه، ۱۳ لیزر، ۱۱ د ترپ او خرپ یا چریکي، د لاسي بمونو ۶ بریدونه، د هدفي وژنو ۳ او دوه توغندیز بریدونه کړي دي.
په خبرپاڼه کې دا رنګه ویل شوي، چې د دغو عملیاتو له امله ټول ۷۷ کسان وژل شوي او ۹۵ تنه نور ژوبلېدلي دي چې په وژل شويو او ټپیانو کې د پوځ، پولیسو او اېف سي سرتېري او افسران شامل دي.
دغې ډلې دا رنګه ادعا کړې، چې په دغو بریدونو کې د مرګ ژوبلې د اړولو تر څنګ یې د پوځ او پولیسو ځينې پوځي وسایط له منځه وړي او د ۱۳ کلاشینکوفونو په ګډون یې یو شمېر وسلې او مهمات هم تر لاسه کړي دي.
که څه هم چې په دې اړه تر اوسه کومو خپلواکو سرچېنو د دغو شمېرو پخلی نه دی کړی؛ خو په تېره یوه میاشت کې د همدغو سیمو څخه ګڼو کورنیو او نړۍوالو رسنیو د تاوتریخوالي ډېرې پېښې رپوټ کړي دي.