په ترکیه کې په یوه ورځ د اتو ښځو وژل کېدو، د ښځو د حقونو د فعالو ټولنو غبرګونونه راپارولی
په ترکیه کې په یوه ورځ کې د اتو ښځو وژل کېدلو د ښځو د حقونو د ټولنو پراخ غبرګونونه راپارولي دي.
په ترکیه کې په یوه ورځ کې د اتو ښځو وژل کېدلو د ښځو د حقونو د ټولنو پراخ غبرګونونه راپارولي دي.
په ترکیه کې "موږ د ښځو پر وړاندې د جرمونو مخه نیسو" ټولنې دا پېښې د ښځو پر وړاندې د حکومت ضد سیاستونو پایله بللې او ویلي یې دي، چې د کب په ۱۳مه به په استانبول کې لاریون کوي.
د کب په اتمه، اته ښځې په سو ازمیر، بورسا، سقاریه، ارزروم، دنیزلي او استانبول کې په ډزو یا په چړو وژل شوي دي.
اووه ښځې چې د خپلو اوسنیو یا پخوانیو میړونو له خوا وژل شوې دي، ای کارلي، خاتون اکرم اصلان، امینه اولکو اراز، اوزلم چانکایا، طوبا اتشچي، طوبا ا، نسیم ګل کریمي او الیف سایدام نومیږي.
۱۹ کلنه دیلان اوزدمیر د خپل پلار له خوا په چړو وژل شوې ده.
«د ښځو پر وړاندې د جرمونو مخه نیسو» ټولنه، چې د ښځو د حقونو د خوندیتوب په برخه کې یوه نا دولتي اداره ده، د دغو اتو وژنو په غبرګون کې ویلي، چې دا وژنې تصادفي نه دي، بلکې د حکومت د کړنو پایله ده.
د دغې ډلې په اعلامیه کې ټینګار شوی: «هغه کسان چې د ښځو د وژنې د پاې ته رسولو لپاره حل لاره نه ګوري، هڅه کوي دا ستونزه له پامه وغورځوي. مګر ټولنه په دې پوهیږي چې دا پیښې تصادفي نه دی.»
په دغه اعلامیه کې راغلي، چې دا ښځې د کور دننه وژل شوي دي.
د ښځو د شوراګانو اتحادیې په دې وروستیو کې د ښځو د نړیوالې ورځې په مناسبت یوه اعلامیه کې ویلي، چې د تېر کال د مارچ له اتمې نېټې راهیسې په ترکیه کې د هرچا او په ځانګړې توګه د ښځو او د ال جي بي تي کیو ټولنې لپاره ژوند ډېر ستونزمن شوی دی.
د ښځو د شورا دغه سازمان ټینګار کړی، چې د ښځو د حقونو د خوندیتوب په اړه د مدني قانون ۶۲۸۴ ماده باید پلي شي.
په دغه بیانه کې ټینګار شوی چې دوی به د دغو وژنو په غبرګون کې د مارچ په درېیمه (د کب ۱۳مه) د ماسپښین په درې نیمو بجو به د استانبول په کادیکوی سیمه نه د اپرای ثریا ماڼۍ مخې پورې لاریون وکړی.
دغې ټولنې تر دې مخکې په یوه څېړنیز راپور کې ویلي و، چې په ۲۰۲۳ کال کې په ترکیه کې د ښځو د وژنې ۳۱۵ پېښې او د ښځو د مشکوک مړینې ۲۴۸ پیښې ثبت شوې دي.
په ترکیه کې د ۲۰۲۴کال له پیل راهیسې او یوازې په دوو میاشتو کې د ښځو د وژنې ۶۸ پېښې ثبت شوې دي.
د نورو څېړنو پایلې ښيي چې له ۲۰۱۶څخه تر ۲۰۲۱پورې په ترکیه کې په اوسط ډول هره ورځ یوه ښځه وژل شوې ده.
