د پاکستان د لومړي وزیر ټاکنې به سبا د مارچ په درېیمه د پاکستان د پارلمان په عمومي غوڼډه کې ترسره شي.
دې ټاکنو ته د ميا محمد شهباز شريف او عمر ايوب خان د نوماندۍ اسناد منظور شوي دي.
د پارلمان مشر د اسنادو له کنټرول وروسته د دغو دوو کسانو نوماندي تایید کړې ده.
بل خوا، د پښتونخوا ملي عوامي ګوند مشر محمود خان اڅکزي د پاکستان د پیپلز ګوند د مشر اصف علي زرداري پر وړاندې د پاکستان ولسمشرۍ ته نوماند شوی دی.