د پاکستان سکواش لوبډلې په اسټرليا کې د ځلموټو د ۲۰۲۴ کال په سکواش نړیوالو سيالیو کې د سرو زرو او برونزو مدوالونه وګټل. پاکستاني لوبغاړو په دې سیاليو کې اسټراليا، نيوزيلينډ او ماليزيا ته ماتې ورکړي.
د پاکستان دولتي رادیو د شنبې ورځې د راپور له مخې، د اسټراليا په سکواش سياليو کې پاکستاني «هلکانو او نجونو» خپلو سياليو لوبغاړو ته په لوی توپیر ماته ورکړه.
د دوی د معلوماتو له مخي، په دې سيالیو کې د پاکستان د هلکانو «۱۳، ۱۵ او ۱۷» کلنو لوبډلو له خپلو سيالو اسټرليا او نيوزيلينډ څخه درې د صفر په مقابل کې لوبې وګټلې.
د ۱۳ کلنو نجونو په لوبډله کې ماهنور خپلي ماليزيايي سيالي ايملي سينير ته درې د صفر په مقابل ماته ورکړه او د ۱۷ کلنو نجونو په لوبډله کې پاکستانۍ مهوش ۲ د ۳ په مقابل کې له ماليزيايي ايرن ويلي لوبه وګټله.
په دې برياو سره پاکستان د ځلموټو سکواش سياليو کې د سرو زرو او برونزو مډالونه وګټل.
د ۲۰۲۲ کال اګسټ مياشت کې د ځلموټو سکواش دغه سيالۍ په فرانسه کې تر سره شوې، چې پاکستان پکې د برونز مډال په ګټلو دريم ځای خپل کړی و.
محمود خان اڅکزي په پشین کې دې غونډې ته په وینا کې وویل، چې لږکي د خپلې سیمې له زېرمو استفاده نشي کولی.
ښاغلي اڅکزي خپل اېکس کې هم لیکلي: «زه د پښتنو، بلوڅانو، سندیانو او سرایکانو له طرفه د قران پر پاڼو لیک ور کولو ته تیار یم چې که زموږ د مور وطن وسایلو کې زموږ حق ومنل شي، نو تر قیامت د پاکستان چلولو ته تیار یو.»
نوموړي دا هم ویلي چې د غریب پنجابي په ګډون د پورته قومونو به استازۍ پاکستان کې د دویم درجه وګړي په توګه یو منټ یا دقیقې اوسېدو ته هم تیار نه دی.
د هغه په خبر، په پاکستان کې ټول وګړي باید یو برابر وي او غلام او بادر باید پکې نه وي.
محمود خان اڅکزي په دغو خبرو کې د سیمې ترینګلي امنیت حالت ته په اشاره وویل چې دلته د بلې جګړې هڅې کېږي.
د هغه په خبره، «د نړۍ مست غوایی بیا سیمه د جګړې پر ډګر بدلول غواړي، د افغانستان، پاکستان او ایران چارواکو ته پکار دي چې له عقل کار واخلي.»
محمود خان اڅکزی زیاتوي، «د پاکستان قانون ماتي جنرال، وطن پلوري لومړي وزیر او دین پلوري ملا ته به د جګړې پیلېدو اجازه ور نه کړو.»
که څه هم ښاغلي اڅکزي کومو مشخصو پېښو ته اشاره ونه کړه، خو ورځ تر بلې سیمه کې په تېره د ایران او پاکستان بلوچستان کې تاوتریخوالی ډېرېږي.
دوه میاشتې وړاندې ایرن په پآکستان کې او پاکستان په مقابل کې په ایران کې ځینې هدفونه د خپلو مخالفانو د ځپلو په پلمه وویشتل.
دا ډول طالبان هم پر پاکستاني چارواکو تور پورې کوي چې د افغانستان پرضد داعش ساتي او په مقابل کې اسلام اباد افغان طالبان د پاکستان ضد وسلوالو پر ملاتړ تورنوي.
محمود خان اڅکزي له نورو پنځو ګوندونو سره په ګډه د هغه څه په اړه چې دوی یې په تېرو ټولټاکنو کې د پوځ لاسوهنه بولي ټلواله جوړه کړه.
دا ټلواله چې د پاکستان قانون ساتې ټلواله نوم ور کړل شوی، پخپله یې محمود خان اڅکزی مشري کوي.
د بلوچستان ملي ګوند، د پښتونخوا ملي عوامي ګوند، جماعت اسلامي، د مسلمینو د یووالي ګوند او اهل سنت شورا د دې ټلوالې غړي دي.
د پاکستان د تحریک انصاف ګوند عمومي مشر عمر ایوب خان د ټلوالې تر جوړېدو وروسته وویل:« د پاکستان د قانون ساتنې ټلواله» د فبرورۍ د اتمې نېټې پر ضد او د اساسي قانون د ساتلو او د قانون د پلې کولو په موخه رامنځته شوې ده.
محمودخان اڅکزی هم وايي:« زموږ په ټلواله کې هیڅ یو ګوند د پوځ سره مخالفت نه لرو. موږ د پوځ په سیاسي کړنو اعتراض لرو.»
د هغه په خبره، دغه ټلواله د پاکستان د اساسي قانون د خوندي کولو هڅې کوي او په دې باور ده، چې د هیڅ یو پوځي او ملکي مامور د خدمت موده دې نه غځول کېږي.