د ۲۰۲۴ اسیا جام فوټسال سیالیو پر دوام، د افغانستان د فوټسال ملي لوبډله نن پنجشنبه (د وري ۳۰مه) په خپله لومړۍ لوبه کې د ایران پر وړاندې لوبېږي.
دغه لوبه د ټایلنډ په کوربهتوب نن ماسپښین د افغانستان پر وخت ۱:۳۰ بجه پیلېږي.
دغه لوبه د ټایلینډ هېواد په هوامارک سرپټي لوبغالي کې ترسره کېږي.
د افغانستان فوټبال فدراسيون د دغو سياليو لپاره دوه ورځې وړاندې د لوبغاړو نوملړ خپور کړ.
په دغه نوملړ کې د افغانستان لهخوا د محمدجواد صفري، علي رضا جعفري، علي احمد محسني، مهدي نوروزي، علي جعفري، میثم فیضي، رضا محسن پور، مهران غلامي، امید قنبري، اکبر کاظمي، محمد مرادي، فرزاد محمودي، حسین محمدي او صیاد مجتبا نومونه شامل دي.
دغه سیالۍ تېره ورځ د اپرېل په ۱۷مه نېټه پیل شوې، چې د روانې میاشتې تر ۲۸مې نیټې به دوام وکړي.
په دغو سيالیو کې افغانستان په ډي ګروپ کې له ایران، کوېټ او بحرين سره لوبې لري.