د پاکستان کرېکټ ملي لوبډله نن له انګلينډ لوبډلې سره د څلورو ۲۰ اوره لوبو لړۍ پيلوي.
دغه لوبې د انګلينډ په کوربه توب د ليډز ښار په هيډينګلي کارنيګي لوبغالي کې نن ماښام د پاکستان په وخت لس نیمې بجې پیلېږي.
پاکستان کرېکټ بورډ ويلي، چې لوبډله یې انګليستان ته رسېدلې او لوبو کولو ته تياره ده.
پاکستان تر دې وړاندي ايرلينډ ته په دريو شل اوره لوبو کې ماتې ورکړې وه، پاکستان له ايرلينډ دوې لوبې ګټلې او يوه يې بايللې وه.
د پاکستان کرېکټ لوبه به له انګلينډ سره تر لوبو وروسته د ۲۰۲۴ م کرېکټ نړۍوالو ۲۰ اوره سيالو ته روانيږي.