په پاکستان کې ځینو سرچېنو افغانستان انټرنشنل پښتو ته وویل، اسلام اباد له بیجېنګه غوښتي له افغان طالبانو وغواړي چې له خپلې خاورې د ټيټيپي وسلهوال په پاکستان کې له بریدونو راوګرځوي.
دغې سرچېنې دا هم وویل، دغه خبره هغه مهال د بیجېنګ او اسلام اباد تر منځ راپورته شوه چې د پاکستان د بهرنیو چارو وزیر اسحاق ډار د مې په ۱۵مه چین ته سفر کړی و او د هغه هېواد له مشرانو سره یې دغه مسله شریکه کړې وه.دغې سرچېنې دا هم وویل، چې چینایي ډیپلوماتان د "بدیلو لارو په لټه کې دي" چې پر مټ یې وتوانېږي د افغانستان د طالبانو رژیم قانع کړي چې په زرګونو پاکستاني طالب وسلهوال چې نن سبا په هغه هېواد کې پټن ځایونه لري، په پاکستان کې له بریدونو راوګرځوي.چین چې له کلونو راهیسې غواړي، د سیمې په هېوادونو کې پراخه پانګونه وکړي؛ خو د هغوی پر کارکوونکو وسلهوال بریدونه هغوی د پانګونې لپاره زیاتې لېوالتیا ته نه پرېږدي.همدغه دوه میاشتې وړاندې د خیبر پښتونخوا په شانګله کې پر چینايي انجنییرانو د شوي برید له امله پنځه تنه وژل شوي وو، چې ورسره د هغه هېواد اندېښنې یې د خپلو وګړو د خوندیتوب لپاره زیاتې کړې او یو شمېر کارکوونکي یې له پاکستانه واېستل.د شانګلې له پېښې مخکې په کراچۍ او بلوچستان کې هم پر چینايي وګړو بېلابېل وسلهوال بریدونه شوي وو، چې له امله درنه مرګ ژوبله هم اوښتې وه.پاکستاني چارواکو تل ویلي، چې دغلته ټول بریدونه د ټيټيپي لهخوا کېږي او د دغو بریدونه پلانونه هم د ننه په افغانستان کې جوړېږي؛ خو دغه ادعاوې هم طالبانو او هم د پاکستان تحریک طالبانو په وار، وار ردې کړې دي او دغه ډله وايي، چې دوی پر چینايي وګړو بریدونو کې ښکېل نه دي.سره له دې چې چین لا تر اوسه د طالبانو رژیم په رسمیت نه دی پېژندلی؛ خو هغه هېواد له افغان طالبانو سره توده راشه درشه پالي او ان خپل نوی سفیر یې کابل ته استولی او د طالبانو د سفیر باورلیک هم په ډیپلوماتیکه توګه د دغه هېواد د ولسمشر لهخوا منل شوی و.
دغه راز د طالبانو د کورنیو چارو وزارت ویاند هم په خپل اېکس کې لیکلي، چې د قطر د دولت وزیر او بهرنیو چارو مرستیال وزیر په مشرۍ پلاوي له سراج الدین حقاني سره په کتنه کې ویلي، چې د دواړو هېوادونو ترمنځ د دوه اړخیزو سیاسي او اقتصادي اړیکو پراختيا غواړي.
په دغه دوو جلا جلا کتنو کې دواړو طالب چارواکو په هېواد کې د وروستیو سېلابونو له زیانمنو سره د قطر د بیړنیو مرستو هرکلی هم کړی.
د قطر د بهرنیو چارو وزارت د مرستیال او د دغه هېواد د دولت د وزیر په مشرۍ پلاوی د دوحې غونډې په درشل کې کابل ته تللی دی.
دغه پلاوي نن له ملا عبدالغني برادر او عبدالسلام حنفي سره هم لیدلي دي.
که څه هم د طالبانو امنیتي او دفاعي چارواکو په خپلو اعلامیو کې د دوحې غونډې په هکله څه اشاره نه ده کړې، خو د طالبانو د ریاست الوزرا د اقتصادي مرستیال دفتر وايي، د قطر د بهرنیو چارو مرستیال وزیر له دې ډلې د دوحې دریمه غونډه کې د ګډون غوښتنه کړې ده.
د طالبانو د اعلامیې له مخې، د قطر د بهرنیو چارو مرستیال وزیر دا هم ویلي چې د طالبانو ګډون سره به دا غونډه یوه نتیجه ولري.
په مقابل کې ملا برادر ویلي، چې د دوحې غونډه د دوی له ګډون پرته نتیجه نه لري.
ټاکل شوې، چې د دوحې دریمه غونډه اوه ورځې وروسته د قطر پلازمېنه کې پیل شي.
ملګرو ملتونو ویلي دي، چې د دې غونډې موخه «له افغانستان سره په منظم ډول د نړیوالو اړیکو زیاتول دي.»
د قطر تر پلاوي مخکې د ملګرو ملتونو د سرمنشي مرستیالې روزمیري ډي کارلو کابل ته د سفر په ترڅ کې طالب چارواکو ته د دوحې غونډه کې د ګډون بلنه ورکړې ده.
د یادولو ده، چې طالبانو په دغه غونډه کې د ګډون په اړه څه نه دي ویلي، خو په تېره غونډه کې یې ګډون ونه کړ.