د بلوچستان په واشک ولسوالۍ کې د یوه مسافر وړونکي بس د چپه کېدو له امله ۲۸ کسان مړه شوي دي. سیمهییز چارواکي وایي، چې په دغه پېښه کې د ښځو او ماشومانو په ګډون ۲۲ نور کسان ټپیان شوي هم دي.
چارواکي وایي، چې د پېښې ټپیان یې بسيمه روغتون ته لېږدولي دي.
د چارواکو په وينا، د پېښې د ټپیانو روغتیایي حالت نازک ښودل شوی چې د مړو په شمېره کې د زياتوالي وېره هم شته.
پاکستانۍ رسنیو راپور ورکړی، دغه بس چې له ګوادر څخه کوټې ته روان و په کلغلي سیمه کې د ټایرونو د چاودېدو له امله چپه شوی دی.
د دغه راپور له مخې؛ د سې شنبې په ورځ (د غبرګولي ۸ مه) نېټه د اسراييل پوځ هغه سیمه په نښه کړه، چې مخکې د بشر دوستانه موخو او د فلسطيني کډوالو د اوسېدو لپاره ټاکل شوې وه.
الجزیرې لیکلي، چې په وژل شویو کې ۱۳ ښځې هم شاملې دي.
د دې شبکې په وینا؛ اوس مهال په رفح کې کوم فعال روغتون نه شته.
اسراییلي پوځ د یکشنبې په ماښام (د غبرګولي ۶مه) د غزې تړانګې په جنوب کې د رفح په ښار کې د فلسطیني کډوالو پر کمپ برید وکړ،چې په ترڅ کې یې لسګونه ملکي وګړي ووژل شول.
د حماس د روغتیا وزارت ویلي، په دغه برید کې ۴۵ کسان وژل شوي او ۲۴۹ نور ټپیان شوي دي.
د اسراييل پوځ (د غبرګولي ۸مه) اعلان وکړ، چې دا عمليات يې د حماس د دوو جګپوړو قوماندانانو د نښه کولو لپاره تر سره کړي، چې په دې کمپ کې ځای پر ځای شوي وه.
د اسراييل پوځ زياته کړه، چې ګومان کيږي د اسراييل له هوايي بريد وروسته دویمه چاودنه د فلسطيني کډوالو په کمپ کې د مهماتو یا نورو اور اخيستو له امله وي، چې د ملکيانو د وژل کېدو لامل شوې ده.
د اسراييل لومړي وزیر بنیامین نتنیاهو (د غبرګولي ۷ مه) نېټه خبرداری ورکړ، چې که دغه هېواد د غزې په جګړه کې خپلو موخو ته له رسېدو مخکې جګړه پای ته ورسوي او تسلیم شي د اکټوبر د اوومې نېټې بريد ته ورته یوه بله ډله ييزه وژنه به وشي.