د اسلام اباد محکمې د عمران خان او بشرا بي بي «د عدت دوران» کې د نکاح قضیه نیمګړې پرېښوه
د اسلام باد په یوه محکمه کې قاضي د پاکستان د پخواني لومړي وزیر عمران خان او د هغه د مېرمنې بشرا بي بي د نکاح په تړاو قضیه له اورېدنې وروسته بې نتیجې پرېښوده.
د اسلام باد په یوه محکمه کې قاضي د پاکستان د پخواني لومړي وزیر عمران خان او د هغه د مېرمنې بشرا بي بي د نکاح په تړاو قضیه له اورېدنې وروسته بې نتیجې پرېښوده.
د پاکستان جیونیوز راپور ورکړی، چې د محکمې په دوران کې د بشرا بي بي د پخواني خاوند دولتي وکیل نه و حاضر شوی او د وکیل مرستیال غوښتنه وکړه، چې د دوی قضیه بلې محکمې ته ولېږدوي.
راپور زیاتوي، چې په محکمه کې قاضي د خاورمانیکا د مرستیال وکیل غوښتنه رد کړه؛ خو په خپله د بشرا بي بي پخواني خاوند په محکمه کې شور جوړ کړ او قاضي ته یې وویل، چې دی نه غواړي چې په دې محکمه کې یې پرېکړه وشي.
د راپور پر بنسټ؛ د خاور مانیکا او د هغه مرستیال وکیل په محکمه کې ګډوډي جوړه کړه او د استناف غوښتنه یې وکړه.
د عمران خان او د هغه د مېرمنې دا قضیه پرته له دې، چې قاضي پرې کومه فیصله وکړي پای ته ورسېده.
پر عمران خان او د هغه پر مېرمنې بشرا بي بي تور دی، چې د بشرا بي بي له پخواني خاوند څخه د طلاق له اخیستو وروسته د عدت موده نه وه پوره شوې، چې نکاح یې سره وکړه.
بل خوا د پاکستان د تحریک انصاف ګوند مشر بیرسټر ګوهر خان په اسلام اباد کې د بې نتیجې محاکمې پر کېدو نیوکه کړې او ویلي یې دي، چې نن باید د دې قضیې فیصله شوې وی؛ خو د خاورمانیکا له خوا په محکمه کې د بدو الفاظو کارول او محاکمه خرابول د دې سبب شول، چې فیصله ونه شي.
همدا راز د تحریک انصاف ګوند یو بل مشر شېبلي فراز بیا ویلي، چې خاور میانیکا ته پنځه کاله وروسته د عدت مساله یاده شوې، چې دا د جعلي کیس په معنا ده.
