افغان لوبغاړی عبدالسمیع فیضي د خپل کاناډايي سیال پر وړاندي ماتې وخوړه
د افغانستان د رزمي لوبو لوبغاړي عبدالسمېع فيضي د خپل کاناډايي سيال محمد ادو پر وړاندي ماتې وخوړه. دا په کاناډا کې د ازادو مبارزو د سازمان «UNIFED» د ۵۸ ام پړاو سيالي وه.
د افغانستان د رزمي لوبو لوبغاړي عبدالسمېع فيضي د خپل کاناډايي سيال محمد ادو پر وړاندي ماتې وخوړه. دا په کاناډا کې د ازادو مبارزو د سازمان «UNIFED» د ۵۸ ام پړاو سيالي وه.
فيضي له دريو کالو او دوو میاشتو ځنډ وروسته یو ځل بيا د لوبې ميدان ته داخل شو او د سيالۍ په لومړي پړاو کې له ماتې سره مخامخ شو.
نوموړي تر دې وړاندي اته سيالۍ تر سره کړې وي، چې شپږ يې ګټلې او په دوو کې يې ماته خوړلې، چې اوس له درېيمې ماتې سره هم مخ شوی دی.
محمد ادو څلور ريکاډونه او څلور برياوي درلودې، چې اوس يې پنځمه اتلولې هم په خپل نوم کړه.
دا لوبه د یو ايف سي سازمان سيالیو ته هم لاره هواره وي او د فیضي ماتې هغه د لوړو کچو سیالیو څخه محروم کړی دی.
