د افغانستان د فوټسال ملي لوبډله به په دویمه تمریناتي لوبه کې د مراکش په وړاندي ولوبيږي

په افغانستان کې د حزب التحریر ډلې په خپل رسمي اېکس پاڼه کې خبرپاڼه خپره کړې، چې د طالبانو د امربالمعروف په اړه د یوناما پر وروستي راپور پر وړاندې د طالبانو د کمزوري غبرګون په اړه نیوکه کړې ده.

حزب التحریر په اېکس کې لیکلي « یوناما په ډېرې بې‌شرمۍ سره د امربالمعروف حکم ظلم او د بشري حقونو خلاف ګڼي، خو د حکومت دریځ د هغوی پر وړاندې نرمي او مصلحت دی. خو کله چې حزب التحریر د امربالمعروف پر حکم عمل کوي، نو د حزب له دعوتګرانو سره په شدت چلند کېږي او د تفرقې او فتنې خپرولو تر نامه لاندې شکنجه کېږي او زندانونو ته اچول کېږي.»

دوی طالبانو ته خبردارۍ ورکوي چې په افغانستان کې د یوناما او نورو نړیوالو سازمانونو له خطرناکو فعالیتونو څخه د ځینو مادي ګټو په خاطر سترګې پټول یوه لویه سیاسي تېروتنه ده، چې خطرناکې پایلې لري.

په افغانستان کې د ملګرو ملتونو ماموریت د طالبانو امربالمعروف وزارت په اړه د یوه راپور په خپرولو سره دغه وزارت د بشري حقونو او د وګړو له اساسي ازادیو څخه سرغړونکی بللی دی.

د یوناما په وینا، د طالبانو امربالمعروف وزارت مامورینو ۱ زرو ۳۳ ځله خپلسري سزاګانې ورکړې دي.

په راپور کې ویل شوي، چې له دې جملې ۲۰۵ له ښځو او ۸۲۸ د نارینه وو سره د ناوړه چلند پېښې ثبت شوې دي.

د طالبانو ویاند د دغې ډلې د امربالمعروف وزارت په اړه د یوناما د وروستي راپور په غبرګون د امربالمعروف د پروسیجر په اړه د دغې ادارې نیوکې بې ځایه بللې وې.

ذبیح الله مجاهد پر خپله اېکس پاڼه لیکلي و: «هغه احکام چې ددې وزارت له خوا توصیه کیږي، اسلامي معلوم او معروف احکام دي.»
ښاغلي مجاهد ویلي، چې د یوناما راپور ورکوونکي هڅه کوي، څو افغانستان د لویدیځ له نظره وڅېړي او دا ښه کار نه دی.
ذبیح الله مجاهد دغه راز ویلي، چې پر افغانستان د طالبانو له واکمنۍ وروسته په هېواد کې د ټولو وګړو شرعي حقوق تامین دي.

ځايي سرچينې وايي، چې د طالبانو له خوا وژل شوى ځوان «حبيب» نومېده او له دې پېښې یوه ورځ وړاندې یې هم د هرات په ښار کې د طالبانو له خوا پر ویرجنو د محدودیتونو د وضع کولو په اعتراض کې له طالبانو سره اخ او ډب رامنځته شوی و.

یوې باخبرې سرچینې افغانستان انټرنشنل ته وویل، چې حبیب د ۲۵ کلونو کم عمر درلود او د سید اباد جبریل سېمې اصلي اوسېدونکی و.

د دې سرچینې په وینا، هغه د طالبانو لخوا د ماتم ( ویر) پرمراسمو د محدودیت له کبله دوه ځله «تور پوستې» ته، چې د هغه د کور او ښار ترمنځ پرته ده ، ورغلی؛ خو د طالبانو سره خبره په تاوتریخوالي واوښتله.

تر اوسه طالبانو په رسمي ډول د دې پېښې په اړه څه نه دي ویلي.

د ځايي خلکو په وینا، طالبان وروسته هغې سېمې ته ورغلل، چې دغه ځوان یې وژلی و او د سیمې له ودانیو یې له سي سي ټي وي کېمرو ویډیوګانې لري کړي.

په تېرو ورځو کې په کابل او هرات کې د افغان شیعه ګانو او طالبانو ترمنځ د عاشورا د مراسمو پر سر تاوتریخوالی زیات شوی دی.

په تېره یوه اوونۍ کې طالبان څو ځلې جبریل ښارګوټي ته ورغلي، د عاشورا بیرغونه او نښانونه یې څيرلي، د کورونو او هټیو له سرونو یې هم ليري کړي دي.

افغانستان انټرنشنل هم له کابل څخه داسې ویډیوګانې ترلاسه کړې، چې ښيي طالبان په شیعه میشتو سیمو کې د عاشورا د نمانځغونډې نښانونه لیري کوي.

تر دې وړاندې هم د عاشورا پر مراسمو د طالبانو بندیزونو څو څو ځله د کابل خلک په غوسه کړي وو.

تر دې مخکې په هرات کې د طالبانو د اطلاعاتو او فرهنګ رییس احمدالله متقي د ماتم مراسم یوه «سیاسي او بهرنۍ بدعت» بللی و او ټینګار یې کړی وو، چې باید مخه یې ونیول شي.

د طالبانو سيمه ييزو سرچينو ويلي، چې په تېرو ورځو کې په جبريل ښارګوټي کې اووه لاريون کوونکي د ماتم د مراسمو د ترسره کېدو د مخنيوي په تور نيول شوي دي.

تر اوسه د دغو بندیانو د برخلیک په اړه نوي معلومات نشته.

طالبان په افغانستان کې د داعش حضور ردوي خو سرچینې وايي چې له دوو ورځو راهسې یې د کونړ په څوکۍ ولسوالۍ کې د داعش پر پټڼځیو عملیات پیل کړي دي.

د کونړ امنیه قومندانۍ کې د طالبانو یوې سرچینې افغانستان انټرنشنل ـ پښتو ته وویل چې په دغو عملیاتو کې په کونړ کې د طالبانو د ځانګړو ځواکونو ترڅنګ د استخباراتو ځانګړې قطعه هم برخه لري.

د طالبانو سرچینې ادعا کوی چې د کونړ څوکۍ ولسوالۍ دېوه ګل درې په چلس او سپیدار کې په روانو عملیاتو کې داعش ډلې د جلب جذب معاون قاري اسد چې مشهور په حبیب خراساني و، وژل شوی دی.

تر دې دمه د دغو عملیاتو په اړه نه هم د داعش ـ خراسان او نه هم طالبانو په رسمي ډول څه ویلي دي.

څوکۍ ولسوالۍ کې د دېوه دره کې په ځنګلونو پوښلې چلس او سپیدار سیمې د افغانستان درېو ولایتونو ننګرهار، لغمان او نورستان ته د تګ راتګ لارې لري.

له دې وړاندې افغانستان انټرنشنل - پښتو ته څو سرچینو منلې وه، چې په کونړ کې د طالبانو د غړو کورنیو له هغو سیمو کډه کړې چې د داعش حضور په کې لیدل کیږي.

د ترلاسه شو معلوماتو له مخې داعش-خراسان د کونړ په دریو ولسوالیو کې حضور لري.

د کونړ ماڼوګی ولسوالۍ په چپه او کوړنګل درو ، د څوکۍ ولسوالۍ دېوګل دره او غازي اباد ولسوالۍ کې د داعش-خراسان وسلوال فعالیت لري.

څو میاشتې وړاندې داعش وسله والو په دیوه ګل دره کې طالبانو ته د جاسوسۍ په تور له دوو کسانو سرونه غوڅ کړي ول.

طالبانو ته نژدې وېپاڼې المرصاد چې د داعش په اړه راپورونه نشروي، پاکستان د داعش په ملاتړ تورن کړی و او ویلي یې وو چې پاکستان په پټه په افغانستان کې د داعش ملاتړ کوي او په خپله خاوره کې یې ددغه ډلې مشرانو ته ځای ورکړی دی.

دغه وزارت د یوې خبرپاڼې په خپرولو سره ویلي، چې دغه کډوال (د چنګاښ له ۱۹مې تر ۲۲مې) د نیمروز ولایت د ورېښم پله، د هرات ولایت د اسلام کلا، د کندهار ولایت د سپین بولدک او د ننګرهار ولایت د تورخم له لارې په خپله خوښه او جبري توګه هېواد ته ستانه شوي دي.
په دغو څلورو ولایتونو کې سرحدي امریتونو ویلي، ۹۵ کورنۍ چې ټولټال ۵۳۲ تنه کېږي د تورخم له لارې، ۱۵۲کورنۍ چې ټولټال ۸۲۱ تنه کېږي د سپین بولدک له لارې له پاکستانه او په ایران کې مېشت څلور زره او ۷۹۷ تنه د هرات اسلام کلا او درې زره او ۵۸۰ تنه د نیمروز د ورېښم پل له لارې هېواد ته راستانه شوي دي.
خبرپاڼه زیاتوي، چې راستانه شوي کډوال په کډوالو ادارو کې تر نوملیکنې وروسته د نورو مرستو ترلاسه کولو په موخه د ملګرو ملتونو عالي کمېشنرۍ، د کډوالۍ نړۍوال سازمان او د خوړو نړۍوال پروګرام ته ورپېژندل شوي دي.

تېره اونۍ د پاکستان کابینې پرېکړه کړې، هغه کډوال چې د «پي او ار» کارټونه لري کولی شي چې د ۲۰۲۵ کال (د جون تر ۳۰مې) پورې په پاکستان کې پاتې شي.

په اسلام اباد کې د کډوالو لپاره د ملګرو ملتونو ادارې د سې شنبې په ورځ (د چنګاښ په ۱۹مه) د یوې خبرپاڼې په خپرولو سره ویلي، د کډوالو لپاره د ملګرو ملتونو د عالي کمېشنرۍ مشر فلیپو ګرانډي پاکستان ته د خپل سفر په پای کې د دغه هېواد له چارواکو غوښتي چې د افغان کډوالو د اېستلو لړۍ دې ودروي او د هغوی د (پي او ار) کارټونو موده دې وغځول شي؛ خو د پاکستان د بهرنیو چارو وزارت ویاندې زهرا ممتاز بلوڅ تېره ورځ وویل، چې بې اسناده افغانان به له دې هېواد څخه و اېستل شي.

هغوی افغانستان انټرنشنل ته ویلي، چې په دغه برید کې لږ تر لږه شپږ تنه افغان کاریګر ټپيان شوي دي.
دغه کډوال وايي، دغو ناپیژانده کسانو له برید وروسته، د هغوی پیسې او ټیلیفونونه له ځانه سره وړي دي.
هغه انځورونه او ویډیو ګانې چې افغانستان انټرنشنل ته رسېدلي، څو تنه ټپي شوي کسان په کې ښکاري چې په ټپي حالت کې په وینو لیت پېت په یوې کرونده کې پر ځمکه پراته دي.
په دغو ویډیو ګانو کې ښکاري، چې امبولانسونه د ټپیانو د لېږد لپاره سیمې ته رسېدلي دي.
دغو کډوالو ویلي، چې (د چنګاښ په ۲۱مه) «لاتانو» د شپې نا وخته د دوی پر کار ځای برید وکړ.

د دغو کډوالو په وینا، «د لاتانو سره وسله، چړې او کوتک» په لاسونو کې و چې پر دوی یې برید وکړ.
هغوی له ایراني چارواکو وغوښتل، چې د دغې پېښې عاملان دې ونیسي او د قانون سره سمه سزا دې ورکړل شي.
دغو افغان کډوالو وویل، چې ټپیان دا مهال د شېراز په مرودشت په روغتون کې بستر شوي او تر درملنې لاندې دي.
تر اوسه ایراني چارواکو د دغې پېښې په اړه څه نه دي ویلي.
دا لومړی ځل نه دی، چې پر افغان کډوالو په ایران کې برید کېږي.

د راپورونو له مخې، په تېرو وختونو او کلونو کې له افغان کډوالو سره ورته چلند شوی، وهل شوي، ډبول شوي؛ خو تر اوسه په دې اړه نه څوک نیول شوي او نه هم چا ته سزا ورکړل شوې.