ځايي سرچينې وايي، چې د پنجشېر لویه لاره له نن سهار راهيسې د سېلابونو له امله د تګ راتګ پر مخ تړل شوې ده. سرچينې زياتوي، چې تېره شپه د سختو ورښتونو له امله په پنجشير ولايت کې سيلابونه راوتلي، چې د دغه ولایت د شتل ولسوالۍ د دلاسنګ په سيمه کې يې لويه لاره تړلې ده.
تر اوسه پورې د دغو سېلابونو له امله د سر او مال د زیانونو په اړه معلومات نه دي ترلاسه شوي.
د پنجشیر ځايي اوسیدونکو نن دوشنبه د (چنګاښ ۲۵مه) رسنیو ته ویلي چې درانه سېلابونه راوتلي او د دغه ولایت لویه لاره یې د تګ راتګ پر مخ تړلې ده.
په سیمه کې سرچينې وايي، چې دغلته د طالبانو ټولګټو او دفاع وزارت کارکوونکي لګیا دي او د لارې د خلاصولو هڅې روانې دي.
که څه هم طالبانو په رسمي ډول په دې اړه څه نه دي ویلي، خو د سیمې خلک وايي، چې د طالبانو سیمه ییز مسوولان د لارې د خلاصون هڅې کوي.
تر دې وړاندې د افغانستان په شمالي سیمو کې سېلابونو سلګونه کسان مړه، سلګونه کورنه ویجاړ او لسګونه زره جریبه کرنیزه ځمکه یې ویجاړه کړې.
ذبیح الله مجاهد د دې پوسټ د بېرته لرې کولو په اړه څه نه دي ویلي.
د طالبانو وياند وايي، هبت الله په کندهار کې د کورنيو چارو له وزير سراج الدين حقاني، دفاع وزير يعقوب مجاهد او د طالبانو د استخباراتو له مشر عبدالحق وثيق سره کتلي دي.
په دې ناسته کې «د امنیتي ادارو مسوولانو خپل پرمختګونه او فعالیتونه رهبري ته وړاندې کړل.»
د طالبانو د عمومي تګلارې د پلي کولو پر سر د داخلي اختلافاتو په اړه د ګڼو راپورونو د خپرېدو له امله د طالبانو د مشر خبرې او ناستې د څارونکو او رسنیو تر ذرهبین لاندې دي.
د طالبانو د جګپوړو چارواکو په منځ کې حقاني او یعقوب په څو برخو کې د خپل حکومت د پالیسیو په اړه له نیوکو ډکې څرګندونې کړې دي.
ملا یعقوب په کابل کې د طالبانو غړو ته ویلي و چې د «هیچا امر په پټو سترګو ونه مني.»
هغه مخکې ویلي وو چې غرور او تکبر دې له منځه یوسي او د خلکو مشروع غوښتنو ته دې غوږ ونیسي.
حقاني د طالبانو د «واک انحصار» په اړه شکایت کړی و او ویلي یې وو چې دا ډول چلند د منلو وړ نه دی.
د طالبانو د کورنیو چارو وزیر همدارنګه په افغانستان کې د دغې ډلې د واکمنۍ د دویمې کلیزې په مناسبت په جوړو شویو مراسمو کې ومنله چې د طالبانو د مشرانو تر منځ د «ستونزو» د حل د څرنګوالي په اړه د نظر اختلاف په ډېرېدو دی.
خو حقاني له ځنډه پرته ټینګار وکړ چې «خو د ټولو ګډ هدف یو باثباته او متحد افغانستان دی.»
د بروکینګز څیړنیز انسټیټیوټ په یوه راپور کې ویلي چې د طالبانو د مشرانو ترمنځ د دې ډلې د تګلارو پر سر ژور اختلافات شته دي.
په دې مطلب کې ویل شوي چې د طالبانو مشر ملا هبت الله سخت او نه پخلا کېدونکی دی او یعقوب یو عمل کونکی انتخاب دی چې له هغه سره کار کول لویدیځ والو ته اسانه دی.
ورته مهال، د طالبانو په منځ کې د اختلافاتو له امله، طالب چارواکو په دوامداره توګه د طالبانو ترمنځ په یووالي ټینګار کړی دی.
د طالبانو د بهرنیو چارو وزیر د یکشنبې په ورځ په کابل کې د طالبانو له ویاندانو او پلویانو سره په کتنه کې وویل چې اختلافات او د یووالي نه شتون د رژیم د کږېدو او پرځېدو لامل کېدای شي.
د افغان ښځو د غورځنګ فعالې زرمینې پریاني د عنابي د خبرو په غبرګون ویلي: «کاش د کابل په چوک کې پر مونږ جنسي تېری وکړئ، ومو وژنئ، بربنډه او شکنجه مو کړئ، خو نه د تړلو دروازو تر شا.»
نوموړې په خپل اېکس کې دغه راز لیکلي: «زما پیدایښت، ښځینه توب او دا چې د افغانستان په ټولنه کې پیدا شوې یم زما په خوښه نه و، ما مخکې له خپلو ټولو ښځینه مشخصاتو کرکه درلوده؛ خو اوس له سنګسارونو او له ټولو ټپونو سره - سره بیا هم غواړم هغه ښځه واوسم چې زه غواړم، هغه ښځه چې ان اوس په خپل پلار او وروڼو ګرانه نه ده.»
زرمینه پریاني د طالبانو بند ته په اشارې سره زیاتوي، چې زړه یې تر اوسه هم په هغه ځای کې دی چې دوه کاله مخکې و.
د نوموړې په وینا؛ تر دې وروسته نه غواړي چې ټول جنایتونه د دروازو تر شا پاتې شي.
د طالبانو د ملاتړي ملا یحیی عنابي د وروستیو څرګندونو یوه ویډیو چې په ټولنیزو رسنیو کې د پام وړ ګرځېدلې ده، پکې وایي، چې زرمینه پریاني باید بربنډه او په موټر پورې کش کړل شوې وی.
په ویډیو کې لیدل کیږي، چې یحیی عنابي په منبر کې د وینا پر مهال ویلي، چې «حکومت باید دا ښځه د موټر شاته تړلې وی او د خم په لارو کوڅو کې یې ګرځولې وی، تر څو هغو ښځو ته چې ازادي غواړي د عبرت یو درس ګرځېدلی وی.»
د افغانستان د ملي امنیت پخواني مشر رحمت الله نبیل هم د یاد ملا د څرګندونو په غبرګون ویلي: «کله چې په عام محضر کې داسې ویناوې کیږي نو تصور کولی شو، چې د یادې ډلې په بندخونو کې څه ډول شکنجې او فجایعې به روانې وي.»
نوموړي په خپل اېکس کې لیکلي: «دا ملا هم خپل ځان د پیغمبر وارث او د ځمکې پر سر د خدای استازی ګڼي او د دين په نوم د تاوتريخوالي او له سپکاوي ډکو کړنو د توجيه لپاره د دې ملا هڅې د اسلامي اصولو او ارزښتونو ښکاره تحريف دی.»
رحمت الله نبیل وایي؛ اوس به روښانه شي چې امربالمعروف د دین له دې تحریف کوونکي سره له دیني اړخه څه چلند کوي.
له دې سره، د ښځو د حقونو فعاله اصیلا وردګ وایي، چې ښایي دا ملا په یوه کلي کې عادي ملا وي، خو له غوسې او کرکې رېږدي.
نوموړې په خپل اېکس کې لیکلي: «موږ اوږدمهاله مبارزې ته اړتیا لرو، په دېرې خواشینۍ سره چې ښځو او نارینه و د ښځو او د حج او اوقافو پر وزارتونو مېلیونونه ډالره ولګول، خو په دې برخه کې هیڅ کومه لاسته راوړنه نه لرو.»
مېرمن وردګ همداراز زیاته کړې ده، چې په دې برخه کې جدي مبارزې ته اړتیا ده، خو دغه مبارزه باید په محتاطانه ډول وشي.
بل خوا د ښځو پر ضد د یحیی عنابي څرګندونو د جنسیت پالې مهره بارکزۍ غوسه هم راپارولې ده.
د نوموړې یوه ویډیو په ټولنیزو رسنیو کې لاس په لاس کیږي، چې د کمرې مخې ته خپل ټیکري ته اور اچوي او د جامو لسټوڼي یې پرې کوي.
مهره بارکزۍ وایي، چې ملا او منبر ددې لامل شوی څو د ښځو پروړاندې تاوریخوالی وشي او نجونې په کم عمر کې واده وکړي.
نوموړې وایي: «د جامو د انتخاب په برخه کې څومره چې نارینه حق لري، هغومره مېرمنې هم حق لري چې ځان ته د پوښښ بڼه وټاکي.»
عنابي تر هغه وروسته د زرمینې پریاني پر وړاندې تُند غبرګون وښود، چې مېرمن پریاني په دې وروستیو کې د طالبانو په بندخونه کې پر هغې شوي ظلمونه افشا کړل.
زرمینه پریاني تر هغه وروسته د طالبانو د پام وړ وګرځېده، چې پر افغانستان د ددغې ډلې له واکمنۍ وروسته په کابل کې د طالبانو پر ضد په لاریونونو کې د عدالت غوښتنې په نوم اعتراضونه پیل کړل.
یحیی عنابي په خپلو خبرو کې د افغانستان د بشري حقونو د خپلواک کمېسیون پر پخوانۍ غړې سیما سمر او د بامیانو پر پخوانۍ والي حبیبه سرابي هم لفظي بریدونه کړي.
هغه وايي، چې دا ښځه باید د کابل په کوڅو کې بربنډه شوې وی ترڅو «سمر او سرابي» ته د عبرت درس ورکړل شوی وای.
دا لومړی ځل نه دی، چې طالبان او پلویان یې د ښځو په اړه داسې نظرونه وړاندې کوي.
دغې ډلې پر افغانستان له واکمنۍ وروسته د ښځو پروړاندې شاوخوا پنځوس فرمانونه صادر کړي او د ژوند د لومړنیو حقونو په ګډون چې زده کړي دي، له ټولو چارو څخه منع کړي دي.
خالد ځدراڼ چې د حقاني ډلې د تبلیغاتي شبکې غړی او د کابل د امنیه قوماندانۍ ویاند دی او جابر نعماني چې ملا هبت الله ډلې ته نېږدې شخص او د استخباراتو ریاست مرستیال ویاند دی، د دغه رسنیز جنجال اصلي لوبغاړي دي.
څو ورځې وړاندې د پښتون ژغورنې غورځنګ د غړي ګیله من وزیر له مړینې وروسته د حقاني شبکې د تبلیغاتي ډلې غړی او د کابل لپاره د طالبانو د امنیه قوماندانۍ ویاند خالد ځدراڼ ليکلي وو، چې که څه هم ګیله من وزیر به د دوی په تړاو ځینې منفي بیانونه کړې وو؛ خو دی که ډېر بې تفاوته، ظالم او بې وسه هم شي بیا هم د "سپېڅلې" زړې ملګرتیا په پاس د عرفات وزیر او ګیله من وزير مورکۍ غمجنو سترګو ته په کتو سکوت ماتوي او خپله خواخوږي څرګندوي.
هغه زیاته کړې وه: "تصویر کې په ژاړه عرفات وزیر د ګیله من وزیر مشر ورور دی. هغه هم زموږ د سختو ورځو د مورچل یار و. داسې ورځې چې نږدې خپلوان او یاران مو له خپلوۍ او یارۍ بې زاره وو."
د نوموړي دغه لیکنه د حقاني شبکې د تبلیغاتي ډلې"بدري مجازي فدایان" له خوا ډېره وستایل شوه او ګڼو حقاني پلوو طالبانو یې هر کلی وکړ.
د طالبانو په بهرنیو چارو وزارت کې د اقتصادي چارو رییس شفیع اعظم هم ورته څرګندونې کړي او ګیله من وزیر یې یو بېداره شخص یاد کړی و.
شفیع اعظم د انس حقاني له نېږدې دوستانو او د بدري مجازي فدایانو د یوې ډلې مشري کوي او د کابل په څلورمې کارته کې تبلیغاتي دفتر لري.
خو بل خوا د طالبانو د استخباراتو د لوی ریاست د مطبوعاتو د ریاست مرستیال جابر نعماني د خالد ځدراڼ او د دوی د مطبوعاتي ډلې په غبرګون په اېکس ټولنیزه رسنۍ کې نېږدې ۷۳ پوسټونه یا په خپله کړي او یا یې د دوی د تبلیغاتي ډلې اماراتي ابابیل د غړو شریک کړي دي.
هغه لیکلي، چې پي ټي ایم فتنه وه، چې د ګیله من وزیر غوندې مبارز "مجاهد" څخه یې وسله واخیسته.
هغه زیاتوي، پي ټي ایم نه یواځي دا چې په زنده باد - مرده باد یې سر کړ، بلکې تعصب، قام پرستۍ او د وحشت او غلامۍ د بیرغ ستاینو ته یې منحرف کړ.
په ورته وخت کې نعماني چې کندهاري طالبانو ته نېږدې بلل کیږي، سلګونو پلویانو یې حقاني ډله په قومپالنې تورنه کړې او ویلي یې دي، چې په اسلام کې قومپالنه ځای نه لري.
د حقاني ډلې او کندهاري طالبانو تر منځ دا رسنیز کړکېچ لا هم دوام لري؛ خو بل خوا د طالبانو ویاند ذبیح الله مجاهد پر خپلې اېکس پاڼې لیکلي، چې نن په کندهار کې د دې ډلې د مشر ملا هبت الله له خوا د دې ډلې د دفاع وزیر، کورنیو چارو وزیر او د استخباراتو له رییس سره ناسته شوې ده.
له دې وړاندې هم یو شمېر سرچینو افغانستان انټرنشنل - پښتو ته د حقاني ډلې او کندهاري طالبانو تر منځ د کړکېچ معلومات ورکړي وو.
سرچینې زیاته کړې وه، چې سراج الدین حقاني د ارګ د کابینې په غونډو کې ګډون نه کوي او پر خپل ځای د کورنیو چارو وزارت امنیتي مرستیال لېږي.