د طالبانو د بهرنیو چارو وزیر وایي، چې داعش او یو شمېر ډلو د عاشورا پر مراسمو د برید پلان درلود. امیر خان متقي د ناوړه پېښو د مخنیوي په برخه د امنیتي تابیاو په ستاینغونډه کې وویل، چې له تېر یو کال راهیسې د عاشورا پر مراسمو د برید پلان و؛ خو دغې ډلې یې مخه ونیوله.
نوموړي په نننۍ غونډه کې د وینا پر مهال زیاته کړه، چې د دې ډلې استخبارات په دې اړه له مخکې خبر و، چې یو شمېر ډلې غواړي د عاشورا پر مراسمو چاودنې وکړي.ښاغلی متقي پرته له دې چې د چا نوم واخلي وایي، چې ځینو کړیو تبلیغ کولو چې د طالبانو ډلې د عاشورا پر مراسمو محدودیتونه وضع کړي دي.سره له دې چې نوموړي وویل، چې په تېرو شلو کلونو کې له دې مراسمو څخه سیاسي او اقتصادي استفاده کېده؛ خو دا یې و نه ویل چې کومو کسانو او په کومو موخو له دې مراسمو سیاسي استفاده کړې ده.د طالبانو د بهرنیو چارو وزیر وایي، چې په تېرو کلونو کې به له یوې خوا د عاشورا مراسم ترسره کېدل او له بلې خوا به د ځانمرګو بریدونو له امله په امبولانسونو کې مړي لېږدول کېدل.متقي وایي: «د افغانستان خلک د دې پېښو تکرار نه غواړي او نه هم دا د خلکو په ګټه دی.»هغه په ټينګار سره وویل، چې سږکال په بشپړ امنیت سره د عاشورا د مراسمو ترسره کېدل یادې ډلې ته لویه لاسته راوړنه ده.امیر خان متقي زیاتوي: «طالبان په افغانستان کې ټولو مذهبونو ته پاملرنه لري او د خپل ځان په قربانولو سره د خلکو امنیت نیسي.»نوموړي په خپلو ویناو کې دغه راز وویل، چې د ځینو ډلو یو شمېر هغه کسان یې هم نیولي دي، چې د عاشورا په مراسمو کې یې د وژنو موخه درلوده.د طالبانو د بهرنیو چارو وزیر امیر متقي په داسې حال کې دغه څرګندونې کوي، چې یادې ډلې دوه ورځې وړاندې د کابل د مهتاب کلا په ګولايي سیمه کې د عاشورا مراسم ګډوډ کړل.د عاشورا د مراسمو ګډونوالو افغانستان انټرنشنل ته وویل، چې طالبانو د عاشورا ماتم کوونکي وهلي او د سينه وهلو ډلې يې هم ګډوډې کړې دي.دا په داسې حال کې ده، چې له هرات ولایت څخه هم د یو شمېر سرچینو له خوا داسې راپورونه ورکړل شوي و، چې طالبانو هغه بیرغونه او شعارونه چې شیعه ګانو د محرم د میاشتې د نمانځلو په موخه لګولي وو، راغورځولي او څېرې کړي دي.په افغانستان کې په تېرو شلو کلونو بیا په ځانګړې توګه په وروستیو څو کلونو کې د عاشورا مراسمو له ډېرو پراخو امنیتي ګواښونو سره ترسره کېدل.که څه هم په ځلونو دغه مراسم د داعش او طالبانو له خوا په نښه شوي و او سلګونه بې ګناه خلک یې وژلي و، خو اوس بیا طالبان د عاشورا د مراسمو د امنیت ټینګښت لاسته راوړنه بولي.د یادولو ده، چې له کابل څخه یو شمېر نورو سرچینو هم بیا افغانستان انټرنشنل ـ پښتو ته وویل، چې طالبانو د عاشورا په مراسمو کې د پخواني ولسمشر حامد کرزي د ګډون مخه ونیوله.سرچینې زیاتوي، چې طالبانو ولسمشر کرزي ته ویلي، چې د امنیتي ګواښونو له امله نه شي کولی په دغې مراسمو کې کډون وکړي.د افغانستان د شیعه علماوو شورا څو ورځې وړاندې په یوې اعلامیه کې له طالبانو غوښتي و، چې د محرم په ورځو کې دې د امنیت د ټينګښت او د هر ډول ګډوډیو او ناامنیو د مخنیوي لپاره لازم تابیاوې ونیسي.په دغه اعلامیه کې ویل شوي وو، چې له بېلابېلو ستونزو سربیره به د سږ کال د محرم مراسم ترسره شي.د افغانستان شیعه مشرانو په وار - وار له طالبانو غوښتي، چې جعفري فقه دې په رسمیت وپېژني، خو دې ډلې تر اوسه په دې اړه په رسمي ډول خپل نظر نه دی څرګند کړی.طالبانو د خپل حکومت د تګلارو او چلندونو د بنسټ په توګه حنفي سني مذهب ټاکلې ده.
د فلوریډا ایالت استازي مایکل والټز له افغانستانه د امریکا وتل د متحده ایالاتو پر ملي وجدان د ننګ داغ وباله.
ښاغلي والټز د کابل په هوایي ډګر کې د امریکایانو د وتلو پرمهال د ۱۳ سرتیرو وژل کېدو ته په اشاره وویل، چې د دوی کورنۍ باید هره ورځ له دې فاجعې سره ژوند وکړي.
دغه جمهوريپال استازي پر بایډن نیوکه وکړه، چې ان د وژل شویو سرتېرو له کورنیو سره ټلیفوني خبرې هم نه کوي او له افغانستانه وتل بریالی اقدام ګڼي.
والټز وویل؛ دونالډ ټرمپ له نوموړي غوښتي و، چې له دې کورنیو سره د لیدو زمینه برابره کړي ترڅو له هغوی سره شپږ ساعته لیدنه ولري.
د نوموړي په خبره، ټرمپ د دې سرتیرو کورنیو ته یو ماښام بلنه ورکړه او له هغوی سره یې ژمنه کړې، چې که بیا د امریکا ولسمشر شو، د پېښې په اړه به ټول اسنادونه، ویډیوګانې او مهم اطلاعات خپاره کړي.
د یو شمېر دغو وژل شویو سرتېرو کورنیو چې د جمهوريپالو ملي راټولیدنه کې یې حضور درلود، د ټرمپ له نوماندۍ ملاتړ اعلان کړ.
په افغانستان کې د وژل شویو امریکایي سرتېرو کورنۍ یو ځای سره ودرېدې په ژړا یې د دوی نومونه واخیستل.
په دې راټولیدنه کې د دونالډ ټرمپ زوی دونالډ ټرمپ جونیور هم د بایډن حکومت تورن کړ، چې له افغانستانه یې د امن او منظم وتلو د څرنګوالي په اړه دروغ ویلي دي.
بل جمهوري غوښتونکي برایان ماسټ چې په ځلونو له افغانستانه د امریکایي ځواکونو د وتلو په اړه پر جوبایډن نیوکې کړې، یو ځل بیا یې دا بهیر د امریکا په تاریخ کې «شرمناک» وباله.
نوموړی چې هم یو وخت په افغانستان کې د امریکا پخوانی سرتېری و، همداراز وویل، چې ان د جوبایډن په یاد هم نه دي چې له افغانستانه د وتلو پرمهال ۱۳ سرتېرو ژوند له لاسه ورکړ.
دغه جمهوريپال استازي چې تر دې وړاندې هم د کانګرس د بهرنيو اړیکو کمېټه کې د افغانستان په اړه امریکايي چارواکي پوښتلي و، ویلي دي چې کابو دوه زره او ۵۰۰ امریکايي پوځیان وژل شوي او جوبایډن د دوی قربانیو او ټولو سرتېرو ته سپکاوی کړی دی.
ښاغلي ماسټ تصریح کړه، چې جو بایډن د سر اعلی قوماندان په توګه د امریکایانو د درناوي وړ نه دی.
د غازي امان الله خان د کرېکټ لېسټ اې یو ورځنیو سیالیو د چهارشنبې د روځي د ۷مه لوبې پچه د پامير لېجنډز لوبډلمشر دروېش رسولي وګټله او د هندوکش سټرايکرز پر وړاندي يې د توپوهنې پرېکړه وکړه.
پامير لېجنډز لوبډلې په ۵۰ اورنو کې د خپلو ۵ لوبغاړو په سوځېدو سيالې لوبډلې ته ۲۵۵ منډې هدف وټاکه.
د پامير په لوبډله کې رياض حسن ۱۰۱، اکرام علي خېل ۴۵ او ارشاد الدین ساپي ۳۳ منډې جوړي کړې.
د هندوکش سټرايکرز په توپ اچوونکو کې شمس الرحمن درې لوبغاړي وسوځول.
د رحمت شاه په لوبډلمشرۍ هندوکش سټرايکرز لوبډلې په ۳۶.۵ اور کې د خپلو دوو لوبغاړو په سوځېدو دغه هدف پوره کړه او لوبه یې د ۸ ويکټو په توپير وګټله.
لوبډلمشر رحمت شاه زرمتي او عبدالمالک په ګډه ۲۱۳ منډې جوړي کړې.
زرمتي په ۸۹ توپونو ۱۰۰ مندې وکړې او عبدالمالک بيا په ۱۱۲ توپونو کې د يوه شپږيزې او ۱۷ څلوريزو په مټ ۱۳۰ نا سوځېدلې منډې جوړي کړی.
د لوبې غوره لوبغاړي هم عبدالمالک وټاکل شو.
په دغو سیالیو کې هندوکش سټرایکز تر ټولو مخکښه لوبډله ده او خپلې ټولې سیالۍ یې ګتلې؛ خو پامیر لېجنډز بیا خپلې تولې لوبې بایللې دي.
