له بنو څخه ځايي سرچېنو افغانستان انټرنشنل ته تایید کړه، چې نن د بنو ښار په پولیس چوک کې د سوداګرو د ټولنې په نوښت جوړ شوي پرلت کې د سیاسي ګوندونو مشرانو، ځايي قومي مخورو او په سلګونه ولسي وګړو برخه اخیستې او په خپله سیمه کې د امنیت د ټینګښت غوښتنه کوي.
په دغه پرلت کې د دې خبرې یادونه هم شوې، چې د (عزم استحکام) په نامه د کېدونکو پوځي عملیاتو پر مهال د بنو ولسي خلکو ته په میانوالې او سرګودها کې لنډمهاله پنډغالي یا کمپونه په پام کې نیول شوي، چې د دغه وړاندیز سره د پرلت ګډونوالو سخت مخالفت څرګند کړ او په ډانګ پېیلې توګه یې وویل چې دوی به په هیڅ ډول شرایطو کې له خپلو کلیو او کورونو څخه و نه وځي.پرلتوالو په یوه خوله دا ناره کوله، چې دوی په خپله سیمه کې د سولې او امن پلویان دي او دا د حکومت دنده ده چې د خلکو لپاره د امنیت په ټینګولو کې له داسې لارو چارو کار واخلي چې دوی له خپلو سیمو بېځایه نه شي.بله غاړه د خیبر پښتونخوا وزیر اعلی ویلي، چې هغه حالات له نږدې څاري او په دې تړاو یې د بنو له امنیتي چارواکو سره هم خبرې اترې کړې دي.د خیبر پښتونخوا د حکومت ویاند او سلاکار ډاکټر محمد علي سیف وايي، چې دمګړۍ په بنو کې حالت تر کنټرول لاندې راغلی او د پرونۍ غمجنې پېښې وروسته یې د ولسوالانو، سياسي او ټولنيزو مشرانو جرګه هم وربللې وه.ډاکتر سیف وايي چې، د جرګې له جوړېدو وروسته وضعيت تر کنټرول لاندې راغلى او د سولې د ټينګښت لپاره د حکومتي ادارې په ګډون د ولسي خلکو يوه ګډه کمېټه هم جوړه شوې ده.نوموړي له ولسي خلکو د زغم ِغوښتنه کړې او له هغوی یې غوښتي، چې د سولې ضد عناصرو په تبلیغاتو دې نه غولیږي او د خیبر پښتونخوا حکومت چمتو دی چې د ولسي خلکو ټولو روا غوښتنو ته غاړه کېږدي.پرون د جمعې په ورځ (د جولای په ۱۹مه) د بنو ولسي خلکو له یو ستر لاریون وروسته د دغه ښار په سپورټ کمپلېکس کې پرلت ووهلو، چې وروسته په پرلتوالو ډزې وشوې او دغه سولهییز لاریون په تاوتریخوالي واوښت.په پرونیو راپورونو کې ویل شوي وو، چې په پرلتوالو د شویو ډزو له امله څلور تنه وژل شوي او تر شلو زیات ټپیان دي؛ خو د خیبر پښتونخوا د وزیر اعلی سلاکار وايي، چې په پرونۍ پېښه کې یوازې یو کس وژل شوی او ۲۵ کسه نور ټپیان شوي دي.
جولیا کورټیس پر اېکس خواله رسنۍ د دوو نورو پیغامونو د خپرولو له امله چې پر نورو ریشخند بلل کیږي، ۱۲۰۰ یورو جریمه شوې ده.
د ۲۰۲۱ په اکتوبر کې، کله چې اغلې میلوني لا لومړۍ وزیره نه وه او د اپوزیسیون مشري یې کوله، کورټیس د اغلې مالوني یو ایډت شوی انځور پر اېکس خواله رسنۍ خپور کړی و. په دې عکس کې د اډولف هټلر د متحد او دیکتاتور، بینیتو موسولیني عکس د هغې شاته د کتابونو پر الماری په جعلي ډول اضافه شوی و.
اغلې میلوني دغه کار ته پر فیسبوک خپور شوي پیغام کې ځواب ورکړ، او ویې ویل چې د دغه انځور خپرول به "جدي پایلې" ولري او دا چې به د خبریالې پروړاندې به قانوني چلند وکړي.
وروسته په نورو بحثونو کې کورټیس، میلوني د "کوچنۍ ښځې" په توګه یاده کړه. دغې خبریالي په یو جلا پوسټ کې لیکلي و: "جورجیا میلوني، تاسې ما نه شی ویرولی. په هرصورت، تاسو یوازې ۱.۲ متره قد لری. زه حتا تاسو نه شم لیدلی."
د ایټالوي رسنیو د راپور له مخې، میلوني د ۱.۵۸ تر ۱.۶۳ متره پورې لوړوالی لري، که څه هم هغې هیڅکله په رسمي ډول د خپل د قد په اړه څه ندي ویلي.
د میلوني وکیل ویلي، که د محکمې پریکړه تصویب شي، پنځه زره یورو جریمه به خیریه موسسو ته ورکړي.
نوموړی وایي، چې دا لاریون په برېتانیا کې د پښتون ژغورنې غورځنګ څانګې جوړ کړی دی.
د پاکستان پوځ نن د خیبر پښتونخواه په بنو کې پر لاریون کوونکو ډزې کړي، چې د لومړنیو راپورونو له مخې، ۳ کسان وژل شوي او د ماشومانو په ګډون تر شلو ډېر ټپیان شوي دي.
دا لاریون تېره دوشنبه په بنو کې پر یوې پوځي اډې د وسله والو له برید او په غبرګون کې یې د پاکستاني پوځيانو په ځوابي حمله کې د ولسي وګړو د مرګ ژوبلې په اعتراض کې شوی و.
لاریون کوونکي په دې سیمه کې د امنیت ټینګولو او د عزم استحکام عملیاتو د درېدو غوښتنه کوي.
اخوا د پښتون ژغورنې غورځنګ مشر منظور پښتین او د عوامي نشنل ګوند مشر ایمل ولي خان بیا د پښتونخوا په بنو کې پر لاریونوالو د پاکستان د پوځ ډزې غندلي دي.
ښاغلی پښتین وایي، چې د پښتونخوا او بلوچستان په بېلابېلو سیمو کې به د بنو په ملاتړ لاریون وکړي.
نوموړي د وزیرستان او بلوچستان له خلکو وغوښتل، څو د بنو ولسي لاریونوالو د ملاتړ په موخه راووځي او ملاتړ یې وکړي.
د بنو لاریون کوونکي وایي، چې دوی به د وينو په بدل کې خپل وطن زرغون کړي، خو ترهګري ورته د منلو نه ده.