سرچینه وايي، طالبانو د تخار د ولایتي شورا پخوانی مشر روح الله رووف په تالقان ښارګوټي کې نیولی دی. سیمه ییزو سرچینو افغانستان انټرنشنل ته ویلي، چې طالبانو دغه پخوانی چارواکی کندوز ولایت ته لېږدولی دی.
سرچینې زیاته کړه، چې طالب وسله والو روح الله رووف تېره ورځ (چنګاښ۲۹مه) په تالقان کې د جمعې له لمانځه وروسته ونیو.
طالبانو تر اوسه پورې د تخار د ولایتي شورا د پخواني مشر د نیولو په اړه څه نه دي ویلي.
د تخار د ولایتي شورا پخوانی مشر د شمال زون د پخواني امنیه قوماندان جنرال داود داود خپلوان دی.
تېره اوونۍ طالبانو د تخار ولایت په چاه اب ولسوالۍ کې خپل یو تاجک قوماندان غلام حسین بې وسلې او زنداني کړ.
سیمه ییزو سرچینو افغانستان انټرنشنل ته ویلي، چې حاجي غلام حسین او د هغه ۳۵۰ وسله وال کسان هم بې وسلې شوي دي.
دغه ملا امام امان الله رحیمي نومیده او ۵۵ کلن و. د سرچینو په وینا، ښاغلی رحیمي له تېرو وختو ملا امام و او هېڅکله یې سیاسي فعالیت نه دی ترسره کړی.
سرچینې وایي، چې دا پېښه د شنبې په ورځ (د جولای ۲۰مه) ترسره شوې ده. سرچینې ادعا کوي، چې دوو ناپیژاندو کسانو لومړۍ ملا امام د جومات په دهلیز کې په پټو زندۍ کړی او بیایې په چاقو وژلی دی.
له ارزګان څخه شپږو سرچینو دا خبر تایید کړی دی. رالیږل شویو عکسونو کې هم ښکاري چې ملا امام لږ تر لږه ۵ چاقو لږیدلی دی.
یو چاقو یې پر زړه، بل پر سینه او درې نور پر خېټه وهل شوی دی.
سرچينې وايي، چې په ششپر ولسوالۍ کې د وسله والو طالبانو درې پوستې فعالې دي، خو کله چې خلک له وژنو وروسته عاملینو ته د سزا ورکولو غوښتنه کوي، وایي قاتلین پیدا کړئ موږ یې مجازات کوو.خو خلک وايي،چې طالبان بایدمسووليت واخلي او خپلسرو کسانو ته اجازه ور نه کړي چې د اوسیدونکو د وژونې لامل شي.
بل خوا طالبانو د جمعې په ورځ د ننګرهار ولایت د جلال اباد ښار په اوومه ناحیه کې یو ماشوم وژلی دی.
د دغه ماشوم کورنۍ ویلي، چې نوموړی وروسته له هغه د یو طالب جنګیالي له خوا په ډزو ویشتل شوی، چې د باد له امله له چپه شوو ونیو کې خمبې بیلې کړې وې.
دغه ماشوم د افغانستان د پخواني پوځ د یو افسر زوی دی.
