ټرمپ نتنیاهو ته د کاملا هرېس خبرې 'بې احترامي' وبلله

زمباډا د مکسیکو په تاریخ کې یو له هغو قاچاق وړونکو څخه دی، چې ډېره پخوانۍ مخینه لري او د ایل چاپو سره یې د سینالووا کارټل په ګډه جوړ کړی و، چې په ۲۰۱۷ میلادي کال کې د متحده ایالاتو له خوا مسترد شو.

زمباډا او د ایل چاپو زوی جوکین ګوزمان لوپیز، په متحده ایالاتو کې له ډېرو تورونو سره مخامخ دي، چې د متحده ایالاتو ته د فینټینیل او نورو مخدره توکو لوی مقدار لیږدوي. د فینټینیل ډېر خوړل د ۱۸ او ۴۵ کلونو عمرلرونکو ترمنځ د مړینې لوی لامل بلل کیږي.

زمباډا، چې ګمان کیږي ۷۰ کلن دی او ګوزمان لوپیز چې ۳۰ کلن دی، د ایل پاسو په ښار کې له یوې شخصي الوتکې څخه له ښکته کېدو وروسته نیول شوي دي.

د متحده ایالاتو د دریو اوسنیو او پخوانیو چارواکو په وینا، ګورمان لوپز، زامباډا متحده ایالاتو ته راغوښتی و.

د امریکا ولسمشر جو بایډن د جمعې په ورځ د دغو نیونو خبر ورکړل او د مخدره توکو له قاچاق سره د مبارزې لپاره یې خپله ژمنه تازه کړه.

هغه په ​​یوه اعلامیه کې وویل: «فینټینیل زموږ ډېرو هېوادوالو وژلي دي. د دغه ویجاړونکې مخدره توکو له امله ډېری کورنۍ ویجاړې شوي او کړیږي.»

د متحده ایالاتو چارواکو د مخدره توکو قاچاق وړونکي اساسي موخې ګرځولي دي او د هغو معلوماتو د راټولولو په لټه کې دي چې د قاچاق وړونکو ډلې په ګوته کړي او معاملې ورسره وکړي.

رویټرز سمدلاسه دا نه شي تاییدولی چې شاید په دې نیونه کې کومه معامله شوې وي، خو که چیرې زمباډا ته د ګزمان لوپز له خوا خیانت شوی وي، دا پر سینالووا ډلې لوی اغیز لرلې شي.

د جمعې په ورځ، د اوباما یوه ویډیو خپره شوه چې هاریس ته یې مبارکي ورکړه او د هغې د کمپاین لپاره یې د هغې د بریا هیله څرګنده کړې.

بارک او میشل اوباما په ویډیو کې ویلي، چې دوی به د هاریس سره د ټاکنو د ګټلو او سپینې ماڼۍ ته د ننوتو په برخه کې پوره مڼډه وکړي.

میشل اوباما وویل، چې هغه په ​​هاریس ویاړي او دا چې ټاکنې به تاریخي وي.

بارک اوباما له ۲۰۰۹ څخه تر ۲۰۱۷ کال پورې د امریکا ولسمشر و او تر دې مخکې یې د جوبایډن په کمپاین کې برخه اخیستې وه او ملاتړ یې کړی و.

۸۱ کلن بایډن د سپټمبر په ۳۱ مه د ډیموکراټ ګوند له کاندیداتورۍ لاس په سر شو.

بلومبرګ رسنۍ په یو راپور کې دغه ملاتړ "د متحده ایالاتو په تاریخ کې د لومړي تور ولسمشر له خوا هاریس ته مشعل د انتقال" په توګه توصیف کړی.

هاریس لومړنۍ تورپوستي او اسیايي ښځه ده چې د امریکا د ولسمشر مرستیالې څوکۍ ته یې ځان رسولی دی.

بارک او میشل اوباما اوس هم د ډیموکراټ ګوند دوه مشهور سیاسي شخصیتونه دي، او د دوی ملاتړ احتمال لري چې هاریس ته نوره انرژي او تحرک ورکړي او د ټرمپ د ماتې چانس زیات کړي.

د پنجشنبې په ورځ، پولیټیکو د دوو باخبرو سرچینو په حواله راپور ورکړی و چې بارک اوباما غواړي د ۲۰۲۴ ولسمشریزو ټاکنو لپاره د کاملا هاریس له نوماندۍ ملاتړ وکړي.

د جنګاش په اتمه د ډونالډ ټرمپ سره د هغه په ​​​​لومړي مخامخ مناظره کې د بایډن د ضعیفه موقف وروسته پر هغه نیوکې لا پسې ډیرې شوې.

ځینو رسنیو ویلي، چې اوباما په شخصي توګه له بایډن څخه غوښتي چې له ټاکنو څخه ووځي.

پولیټیکو راپور ورکړی چې هاریس په دې وروستیو ورځو کې څو ځله له اوباما سره اړیکه نیولې ترڅو د هغه او د نورو ډیموکراټانو ملاتړ ترلاسه کړي ترڅو د ۲۰۲۴ ولسمشریزو ټاکنو ته ودریږي.

د نوماندۍ څخه د وتلو وروسته، بایډن د ټرمپ ننګولو لپاره د ډیموکراټ ګوند نوماند په توګه د هاریس څخه خپل ملاتړ اعلان کړ.

اوباما په یوه اعلامیه کې پرته له دې چې له هاریس څخه خپل ملاتړ اعلان کړي وویل: "زه ډاډه یم چې ډیموکراټ مشران به یوه داسې پروسه رامینځته کړي چې یو مهم نوماند وټاکي."

د بایډن، اوباما، یو شمیر والیانو، کانګرس او د ډیموکراټ پلوه ایالتونو د مشرانو په ملاتړ سره، هاریس د ډیموکراټانو د نوماندۍ د ګټلو لپاره په ښه موقف کې ده.

ټاکل شوې د امریکا ولسمشریزې ټاکنې د روان کال د لړم په ۱۵مه ترسره شي.

د روسیې امنیتي خدماتو ویلي، چې پر بولګاکوف د "غیر قانوني فعالیتونو" په تړاو د لګیدلو تورونو د ثابتولو لپاره پلټنې روانې دي.

د روسیې خبري اژانس، ریا، راپور ورکړی، چې دغه پوځي چارواکی تر محاکمې مخکې د مسکو یو توقیف خونې ته استول شوی و.

بولګاکوف د ۲۰۲۲ کال تر وروستیو پورې د پوځي لوژستیک مسوول و. د روسي رسنیو په وینا، د روسیې د دفاع وزارت څو مهمې څېرې له دیمیتري بولګاکوف مخکې په فساد تورنې شوې دي.

په روسیه کې کارپوهانو د پوځي چارواکو وروستي نیول “د روسیې د پوځ تر ټولو لویه رسوايي بللې." کارپوهان وايي، د پوځي چارواکو نیول په داسې حال کې شوي چې په دې وروستیو کې یو بې تجربه پوځي اقتصاد پوه د دفاع وزارت سرپرست ټاکل شوی دی.

روسي رسنیو راپور ورکړی، چې د روسیې نوي دفاع وزیر اندري بلوسوف د اردو د فساد د پاکولو او د مالي چارو د ساده کولو مسوولیت په غاړه اخیستی دی.

ویل کیږي چې په روسیه کې په لوړه کچه د اداري فساد پر وړاندې مبارزه نږدې درې میاشتې وړاندې د دفاع د پخواني وزیر سرګي شویګو نږدې متحد تیمور ایوانوف له نیول کیدو سره پیل شوه. روسي رسنیو ویلي، چې له هغه وخت راهیسې لږ تر لږه پنځه پوځي او دفاعي چارواکي نیول شوي دي.

په ورته وخت کې، د کرملین چارواکو پخوانۍ نیونې کم اهمیته ښودلي او ویلي یې دي، چې د روسیې نورې دولتي ادارې هم د فساد په وړاندې په مبارزه کې ښکیل دي.

د روسي رسنیو په حواله، ۶۹ کلن بولګاکوف د روسیې له پوځي اکاډمۍ فارغ شوی او د روسیې په پوځ کې یې په بېلابېلو لوژیستیکي پوستونو کې کار کړی دی. نوموړی تر ۲۰۲۲ کال پورې د دفاع وزارت مرستیال و او د "روسی اتل" جایزه په ګډون یې څو مهمې پوځي جایزې ترلاسه کړې دي.

د سوېلي اسیا دغه دوه ګاونډي اټومي هېوادونه په خپلو کې خراب اړیکي لري.

نوی ډېلی له لسیزو راهیسې پاکستان تر خپل واک لاندې کشمیر کې د تاوتریخوالي لپاره د توندلارو په روزلو تورنوي.

پاکستان دا تورونه ردوي او وايي، چې د ډېر وګړې مسلمانې سیمې په توګه د کشمیر د خلکو ډیپلوماټیک ملاتړ کوي.

خو نرېندر مودی نن په کارګل کې د لنډ پوځي ټکر په ۲۵ کلیزه کې بیا پاکستان د ترهګرۍ په ملاتړ تورن کړ.

ښاغلي مودي زیاته کړه، چې اسلام اباد به په دې برخه کې بریالی نه شي: « زه د ترهګرۍ ملاتړو ته وایم چې تاسو به خپلو شومو پلانونو کې هیڅ وخت کامیاب نه شئ، زموږ زړور ځواکونه به ستاسو پلانونه شنډ کړي، تاسو ته به سخت ځواب در کړي.»

د نرېندر مودي دا خبرې په داسې حال دي چې د هند تر واک لاندې کشمیر بیا پر هندي ځواکونو د وسلوالو بریدونه ډېر شوي دي.

د پاکستان او هند ترمنځ پر دې سیمه دوه ځلې جګړه هم شوې ده.

پاکستان په داسې حال د هند تر واک لاندې کشمیر کې د خلکو ملاتړ کوي، چې د دغه هېواد تر واک لاندې کشمیر کې هم ځايي اوسېدونکي دې وروستیو کې د پاکستان پرضد مظاهرو لپاره سړکونو ته ووتل.

د نتنیاهو سره په دغې لیدنه کې بایډن پر هغه غږ کړی، چې د غزې د اوربند او د یرغمل شویو خوشې کولو په اړه دې ژر تر ژره یوې هوکړې ته ورسېږي.
ورته مهال نتنیاهو وايي، په راتلونکو میاشتو کې به د بایډن سره کار وکړي.
د اسراییل لومړي وزیر بنیامین نتنیاهو د پنجشنبې په ورځ وویل، چې هغه به د خپلې دورې په پاتې موده کې له جوبایډن سره کار وکړي.
نتنیاهو د بایډن سره د لیدنې پر مهال وویل:« زه غواړم له تاسو څخه د ۵۰ کلن عامه خدمت او د اسراییل دولت لپاره له ۵۰ کلن ملاتړه مننه وکړم او زه تمه لرم، چې په راتلونکو میاشتو کې به ستاسو سره ګډ کار وکړم.»

له بل پلوه بیا د فلسطین روغتیايي چارواکي وايي، چې په غزه کې د اسراییل په ځمکني او هوايي عملیاتو کې تر ۳۹۰۰۰ ډېر کسان وژلي چې ډېری یې ولسي وګړي دي.

د فلسطیني چارواکو په وینا، د اسراییل دغو عملیاتو د دې سیمې له ۲.۳ مېلیونه ډېر خلک له خپلو کورونو بې ځایه کړي دي.