د خیبر پښتونخوا اعلی وزیر علي امین ګنډاپور ویلي، چې د دغې صوبې په هیڅ یوې برخه کې به د پوځي عملیاتو اجازه ورنه کړي؛ خو هغه له پولیسو غوښتي چې په ټوله صوبه کې دې د وسلهوالو ډلو لټه وکړي.
له بل پلوه د مسلم لیګ (ن) په مشرۍ حکومت د خیبرپښتونخوا پر وزیر اعلی نیوکه کړې او هغه یې د عزم استحکام عملیاتو په مسله کې د خلکو په "تېر اېستلو" تورن کړی.علي امین ګنداپور د جمعې په ورځ په بنو کې یوې ولسي غونډې ته د وینا پر مهال وویل:« د تېرو تجربو څخه موږ پوهېږو، چې عملیاتو هیڅ ګټه نه درلوده او لا یې خلک له کړاوونو سره مخ کړي.»هغه وویل، چې د خیبرپښتونخوا اوسېدونکو د ترهګرۍ په وړاندې جګړه کې قربانۍ ورکړې او د خپلو اصلي سیمو څخه بې ځایه شوي دي.هغه د بنو له خلکو په ځانګړې توګه له مشرانو مننه وکړه، چې د وروستي تاوتريخوالي وروسته يې له ځايي ادارې سره بريالۍ خبرې وکړې.هغه همداراز د ديني مدرسو پر ضد د هر ډول اقدام په اړه راپورونه رد کړل.نوموړي له خلکو وغوښتل، چې د نشهيي توکو له کرکېلې ډډه وکړي؛ ترڅو دغه ناوړه پديده په بشپړه توګه له منځه ولاړه شي.د بنو یو قومي مشر ناصر بنګښ له ښاغلي ګنداپور مننه وکړه او ویې ویل، چې د راتلونکې اونۍ له پیل سره سم به خپل پرلت ټول کړي.له بل پلوه وفاقي حکومت ګنداپور تورن کړی، چې هغه د خلکو د تېر اېستلو هڅه کوي.وفاقي وزیر وویل، بیا هم وزیراعلی هڅه وکړه چې د امن جرګه په سیاسي جلسه بدله کړي.ښاغلي تارړ وویل، چې وزیر اعلی د پيټيای د بنسټ اېښودونکي د "خوشحالولو" لپاره عامه غونډې ته په خپله وینا کې "دروغجنې ادعاوې" کړې دي.
د جمعې په ورځ، د اوباما یوه ویډیو خپره شوه چې هاریس ته یې مبارکي ورکړه او د هغې د کمپاین لپاره یې د هغې د بریا هیله څرګنده کړې.
بارک او میشل اوباما په ویډیو کې ویلي، چې دوی به د هاریس سره د ټاکنو د ګټلو او سپینې ماڼۍ ته د ننوتو په برخه کې پوره مڼډه وکړي.
میشل اوباما وویل، چې هغه په هاریس ویاړي او دا چې ټاکنې به تاریخي وي.
بارک اوباما له ۲۰۰۹ څخه تر ۲۰۱۷ کال پورې د امریکا ولسمشر و او تر دې مخکې یې د جوبایډن په کمپاین کې برخه اخیستې وه او ملاتړ یې کړی و.
۸۱ کلن بایډن د سپټمبر په ۳۱ مه د ډیموکراټ ګوند له کاندیداتورۍ لاس په سر شو.
بلومبرګ رسنۍ په یو راپور کې دغه ملاتړ "د متحده ایالاتو په تاریخ کې د لومړي تور ولسمشر له خوا هاریس ته مشعل د انتقال" په توګه توصیف کړی.
هاریس لومړنۍ تورپوستي او اسیايي ښځه ده چې د امریکا د ولسمشر مرستیالې څوکۍ ته یې ځان رسولی دی.
بارک او میشل اوباما اوس هم د ډیموکراټ ګوند دوه مشهور سیاسي شخصیتونه دي، او د دوی ملاتړ احتمال لري چې هاریس ته نوره انرژي او تحرک ورکړي او د ټرمپ د ماتې چانس زیات کړي.
د پنجشنبې په ورځ، پولیټیکو د دوو باخبرو سرچینو په حواله راپور ورکړی و چې بارک اوباما غواړي د ۲۰۲۴ ولسمشریزو ټاکنو لپاره د کاملا هاریس له نوماندۍ ملاتړ وکړي.
د جنګاش په اتمه د ډونالډ ټرمپ سره د هغه په لومړي مخامخ مناظره کې د بایډن د ضعیفه موقف وروسته پر هغه نیوکې لا پسې ډیرې شوې.
ځینو رسنیو ویلي، چې اوباما په شخصي توګه له بایډن څخه غوښتي چې له ټاکنو څخه ووځي.
پولیټیکو راپور ورکړی چې هاریس په دې وروستیو ورځو کې څو ځله له اوباما سره اړیکه نیولې ترڅو د هغه او د نورو ډیموکراټانو ملاتړ ترلاسه کړي ترڅو د ۲۰۲۴ ولسمشریزو ټاکنو ته ودریږي.
د نوماندۍ څخه د وتلو وروسته، بایډن د ټرمپ ننګولو لپاره د ډیموکراټ ګوند نوماند په توګه د هاریس څخه خپل ملاتړ اعلان کړ.
اوباما په یوه اعلامیه کې پرته له دې چې له هاریس څخه خپل ملاتړ اعلان کړي وویل: "زه ډاډه یم چې ډیموکراټ مشران به یوه داسې پروسه رامینځته کړي چې یو مهم نوماند وټاکي."
د بایډن، اوباما، یو شمیر والیانو، کانګرس او د ډیموکراټ پلوه ایالتونو د مشرانو په ملاتړ سره، هاریس د ډیموکراټانو د نوماندۍ د ګټلو لپاره په ښه موقف کې ده.
ټاکل شوې د امریکا ولسمشریزې ټاکنې د روان کال د لړم په ۱۵مه ترسره شي.