په مشهد کې د طالبانو سرقونسل فیضالرحمان عطایي ویلي، چې ایران په مشهد کې هغه د افغانستان د سرقونسل په توګه منلی دی. تسنیم خبري اژانس راپور ورکړی، چې ښاغلي عطایي د دوشنبې په ورځ په یو لړ مراسمو کې له ایرانه مننه کړې ده.
ایران د دغه هېواد د نوي ولسمشر مسعود پزشکیان د کاري دورې په لومړۍ ورځ او ایران ته د طالبانو د رییس الوزرا د مرستیال له سفر سره هممهاله په مشهد کې یې د افغانستان قونسلګرۍ دغې ډلې ته وسپارله.
تر هغې یوه شپه وړاندې د افغانستان پخواني سرقونسل عبدالجابر انصار په دغې استازولۍ کې د یو لړ مراسمو په ترڅ کې د خپل کار د پای اعلان وکړ.
طالبانو له غبرګولي میاشت راهیسې په مشهد کې د افغانستان قونسلګرۍ د ترلاسه کولو لپاره خپلې هڅې ګړندۍ کړې او په وروستیو کې ښاغلی انصار اړ شو، چې خپل ځای د طالبانو استازي ته پرېږدي.
په مشهد کې د افغانستان قونسلګري له هرات سره د نږدېوالي له امله په تهران کې د افغانستان سفارت څخه وروسته دغه استازولۍ په ایران کې یو له مهمو استازولیو شمېرل کېږي.
