پاکستاني رسنیو د پولیسو له قوله ویلي، چې ناڅرګندو وسله والو تېره ورځ د دغه هیواد په شمال لوېدیځ کې د ملګرو ملتونو د کارکوونکو پر موټر ډزې کړې خو چا ته په کې زیان نه دی اوښتی. د پولیسو په وینا دغه کسان په سیمه کې د څښاک پاکو اوبو د نمونې اخیستلو لپاره روان وو.
پولیسو ویلي، د ملګرو ملتونو دغه موټر د مرمۍ ضد و او د دغې ادارې سیمه ییز کارکوونکي په کې سپاره وو.
پاکستاني پولیس وايي، چې په موټر کې سپرو کسانو ته هیڅ کوم زیان نه دی رسېدلی او یوازې د دوی د موټر ځینې برخې زیانمنې شوې.په سیمه کې پولیس چارواکو پاکستاني رسنیو ته ويلي چې په وسله والو بریدګرو پسې د پلټنې عملیات روان دي.تر اوسه پورې کومې وسله والې ډلې د دغه برید په اړه څه نه دي ويلي، او ټي ټي پي بیا د یوې خبرپاڼې په خپرولو سره ویلي، چې دوی دغه کار نه دی کړی.خو په دغه سیمه کې پر پاکستاني امنیتي ځواکونو باندې د ډیرو بریدونه مسووليت ټي ټي پي په غاړه اخلي.تحریک طالبان پاکستان ټي ټي پي وسله والې ډلې ویلي چې د ۲۰۲۴ کال په لومړیو شپږو میاشتو کې یې نږدې ۵۰۰ بریدونه کړي. چې ډیری هغه یې د خیبرپښتونخوا په بېلابېلو سیمو کې شوي.دا په دې وروستیو کې لومړی ځل دی چې په پاکستان کې د ملګرو ملتونو پر موټر وسله وال برید کیږي، او مسوولیت یې هم څوک نه مني.
د رسمياتو له مخې؛ د چارواکو د څوکۍ ترتیب د هېوادونو په ډېپلوماتیکو اړیکو کې لومړیتوبونه په ګوته کوي.
په لومړي صف کې د حماس د سیاسي دفتر مشر اسماعیل هنیه او د یمن د حوثي یاغیانو ویاند محمد عبدالسلام ځای لري.
د طالبانو د رییس الوزرا سیاسي مرستیال عبدالکبیر په څلورم قطار کې ولاړ دی.
په همدې حال کې عبدالکبیر د طالبانو د رژیم یو له مهمو شخصیتونو څخه دی او د طالبانو د رییس الوزرا ملا حسن د ناروغۍ له امله ځیني وخت کې د دغې ډلې د رییس الوزرا رول لوبوي.
په څلورم صف کې د هغه ځای پر ځای کېدل ښيي، چې د ایران اسلامي جمهوریت په افغانستان کې د طالبانو رژیم ته ډېر اهمیت نه ورکوي.
تر دې وړاندې ایراني رسنیو هم د مسعود بزشکیان د لوړې په مراسمو کې د ګډون لپاره د طالبانو د پلاوي د انځورنه په حواله دا موضوع مطرح کړې وه.
د ایران د دیارلسم ولسمشر ابراهیم رییسي د لوړې په مراسمو کې د پخواني جمهوري دولت ولسمشر محمد اشرف غني ګډون کړی و، چې د ډېپلوماتیک عرف په اساس په لومړي قطار کې ولاړ و.
عکسونو ښودلې، چې د ایران اسلامي جمهوریت د طالبان پر وړاندې د حماس او حوثیانو په پرتله ټیټ دریځ لري.
لوېدیځ هېوادونه د یمن حوثي او حماس د ایران اسلامي جمهوریت نیابتي ډلې ګڼي.
طالبان له ایران سره هم نږدې اقتصادي او ډېپلوماتیکې اړیکې لري.
په دې وروستیو کې ایران اسلامي جمهوریت د مشهد کونسلګرۍ دغې ډلې ته وسپارله.
ایراني چارواکو اعلان کړی، چې د دغه هېواد د نوي ولسمشر مسعود بزشکیان د لوړې په مراسمو کې د ۸۶ هېوادونو مشرانو او چارواکو حضور درلود.
دغه راز د تاجکستان ولسمشر، د پاکستان د لومړي وزیر مرستیال او د ارمنستان لومړی وزیر هم کډون کړی و.
